საქართველოს საგადასახადო რეზიდენტობის მოპოვების გზები

საქართველოს საგადასახადო კოდექსის თანახმად, საქართველოს რეზიდენტად, მთელი მიმდინარე საგადასახადო წლის განმავლობაში, ითვლება ფიზიკური პირი, რომელიც:

ფაქტობრივად იმყოფება საქართველოს ტერიტორიაზე 183 დღის განმავლობაში ან მეტ ხანს, ნებისმიერი უწყვეტი 12 კალენდარული თვის პერიოდში, რომელიც მთავრდება მიმდინარე საგადასახადო წელს;

არის მნიშვნელოვანი ქონებით უზრუნველყოფილი პირი;

ფიზიკური პირი, რომელიც ამ საგადასახადო წლის განმავლობაში იმყოფებოდა უცხო ქვეყანაში საქართველოს სახელმწიფო სამსახურში.

განვიხილოთ, რა ითვლება მნიშვნელოვან ქონებად.

ფიზიკური პირი, რომლის დადასტურებული ქონება აღემატება 3 მილიონ ლარს ან რომლის წლიური შემოსავალი ბოლო 3 წლის განმავლობაში აღემატება 200 000 ლარს,ითვლება მნიშვნელოვანი ქონებით უზრუნველყოფილად. მას საქართველოს საგადასახადო რეზიდენტობა ენიჭება იმ შემთხვევებში, თუ:

გააჩნია საქართველოს ბინადრობის ნებართვა / საქართველოს მოქალაქეობა;

იღებს შემოსავალს საქართველოში არსებული წყაროდან საგადასახადო წლის განმავლობაში 25 000 ლარის ან მეტი ოდენობით.

მნიშვნელოვანი ქონებით უზრუნველყოფილი პირისთვის საქართველოს რეზიდენტობის მისანიჭებლად წარსადგენია დოკუმენტები:

პირადობის/ბინადრობის მოწმობა და დოკუმენტები, რომლებიც ადასტურებენ, რომ ფიზიკური პირის ქონება აღემატება 3 მილიონ ლარს ან მისი წლიური შემოსავალი ბოლო 3 წლის განმავლობაში აღემატება 200 000 ლარს.

მნიშვნელოვანი ქონებით უზრუნველყოფილი ფიზიკური პირებისთვის საქართველოს რეზიდენტობის მინიჭების შესახებ განცხადებას განიხილავს შემოსავლების სამსახური, ხოლო საქართველოს რეზიდენტობის მინიჭებას ახორციელებს საქართველოს ფინანსთა მინისტრი ერთი თვის ვადაში.

საქართველოს საგადასახადო რეზიდენტის ფიზიკური პირის საშემოსავლო გადასახადის სტანდარტული განაკვეთი 20%-ია.

საშემოსავლო გადასახადით დაბეგვრისაგან თავისუფლდება რეზიდენტი ფიზიკური პირის მიერ მიღებული შემოსავალი (მათ შორის, სარგებელი), რომელიც არ განეკუთვნება საქართველოში არსებული წყაროდან მიღებულ შემოსავალს.საქართველოს საგადასახადო რეზიდენტობა, პირის სხვა ქვეყანაში დაბეგვრის შესაძლებლობას არ გამორიცხავს. განსაკუთრებით, იმ შემთხვევაში, თუ პირს გააჩნია საქართველოსგან განსხვავებული საცხოვრებელი ადგილი.

საქართველოს რეზიდენტობა ენიჭება პირს ყოველი საგადასახადო წლისთვის ცალ-ცალკე. ამიტომ, ყოველ განმეორებით მოთხოვნაზე ხელახლა ხდება საჭირო კანონით განსაზღვრული დოკუმენტების წარდგენა.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.