რა განსხვავებაა საგადასახადო რეზიდენტობასა და საქართველოს ბინადრობის ნებართვას შორის?

პირი შეიძლება იყოს საქართველოს ბინადრობის მფლობელი, ან მოქალაქე, მაგრამ ამასთანავე, იგი შეიძლება არ იყოს ქვეყნის საგადასახადო რეზიდენტი, შესაბამისად, არ ქონდეს საგადასახადო რეზიდენტის ვალდებულებები საქართველოს საგადასახადო ორგანოების მიმართ. ან პირიქით, იყოს საგადასახადო რეზიდენტი, მაგრამ არ იყოს ბინადრობის / მოქალაქეობის მფლობელი.

მაგალითად, იმ შემთხვევაში თუ პირი არ იმყოფებოდა ქვეყანაში ნებისმიერი უწყვეტი 12 თვის განმავლობაში 183 დღეზე მეტი დროით მას არ ექნება საგადასახადო რეზიდენტობის სტატუსი, შესაბამისად, არც საგადასახადო ვალდებულებები დაეკისრება. საქართველოს ბინადრობის ნებართვის მფლობელ პირს შესაძლებლობა ეძლევა იმყოფებოდეს საქართველოში განსაზღვრული ვადით ,საგადასახადო რეზიდენტობა კი განსაზღვრას მის საგადასახადო ვალდებულებებსა და უფლებებს.

საგადასახადო რეზიდენტობის არ ქონა, ყოველთვის არ გამორიცხავს საქართველოს წინაშე საგადასახადო ვალდებულების არსებობას.საქართველოს რეზიდენტად, მთელი მიმდინარე საგადასახადო წლის განმავლობაში, ითვლება ფიზიკური პირი, რომელიც:ფაქტობრივად იმყოფება საქართველოს ტერიტორიაზე 183 დღის განმავლობაში ან მეტ ხანს, ნებისმიერი უწყვეტი 12 კალენდარული თვის პერიოდში, რომელიც მთავრდება მიმდინარე საგადასახადო წელს;არის მნიშვნელოვანი ქონებით უზრუნველყოფილი პირი და აკმაყოფილებს შესაბამისი ბრძანებით გათვალისწინებულ მოთხოვნებს;ფიზიკური პირი, რომელიც ამ საგადასახადო წლის განმავლობაში იმყოფებოდა უცხო ქვეყანაში საქართველოს სახელმწიფო სამსახურში.

საქართველოს ტერიტორიაზე ფაქტობრივად ყოფნის დღედ ითვლება საქართველოს საზღვრის კვეთის შემდეგ დღე, რომლის განმავლობაშიც ფიზიკური პირი იმყოფებოდა საქართველოში.საქართველოს ტერიტორიაზე ფაქტობრივად ყოფნის დროს არ მიეკუთვნება დრო, რომლის განმავლობაშიც ფიზიკური პირი იმყოფებოდა საქართველოში:1.ერთი უცხო ქვეყნიდან მეორეში საქართველოს ტერიტორიის გავლით გადაადგილებისას;2.სამკურნალოდ ან დასასვენებლად;3.როგორც დიპლომატიური ან საკონსულო სტატუსის მქონე პირი ან ასეთი პირის ოჯახის წევრი;4.როგორც საქართველოში უცხო ქვეყნის სახელმწიფო სამსახურში მყოფი პირი/საქართველოს საერთაშორისო ხელშეკრულების შესაბამისად მოქმედი საერთაშორისო ორგანიზაციის თანამშრომელი.

საქართველოში ფაქტობივად ყოფნის საფუძველზე საგადასახადო რეზიდენტობის მისაღებად საჭიროა ამ საბუთების წარდგენა: პირადობა და საჭიროების შემთხვევბში სამსახურის ბრძანება, შვებულების ფორმა, მკურნალობის დოკუმენტები, მივლინების ფორმები და სხვა.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.