რა უნდა გაითვალისწინოთ სანამ თავდებობის ხელშეკრულების მხარე გახდებით?

თავდებობა წარმოადგენს სოლიდარული ვალდებულების ნაირსახეობას, რაც გულისმობს,რომ რამოდენიმე მოვალის არსებობისას თითოეული პასუხიმგებელია მთლიან ვალდებულებაზე სრულად.

არსებობს განსხვავება თავდებობასა და სოლიდარულ თავდებობას შორის, სამოქალაქო კოდექსის 891-ე მუხლის პირველი ნაწილის თანახმად „თავდებობის ხელშეკრულებით თავდები კისრულობს ვალდებულებას თავდებად დაუდგეს კრედიტორის წინაშე მესამე პირს ამ უკანსკნელის ვალდებულების შესასრულებლად”. ამავე კოდექსის 895-ე მუხლის თანახმად, კი „თუ თავდები კისრულობს პასუხისმგებლობას სოლიდარულად ან სხვა თანაბარმნიშვნელოვანი სახით, მას შეუძლია წააყენოს მოთხოვნა იძულებითი აღსრულების მცდელობის გარეშეც თუ ძირითადმა მოვალემ გადააცილა გადახდის ვადას და უშედეგოდ იქნა გაფრთხილებული, ანდა მისი გადახდისუუნარობა აშკარაა”.

საქართველოს სამოქალაქო კოდექსის 463-ე მუხლის თანახმად „თუ რამდენიმე პირს ევალება ვალდებულების შესრულება, ისე, რომ თითოეულმა უნდა მიიღოს მონაწილეობა მთლიანი ვალდებულების შესრულებაში, ხოლო კრედიტორს აქვს შესრულების მხოლოდ ერთჯერადი მოთხოვნის უფლება, მაშინ ისინი წარმოადგენენ სოლიდარულ მოვალეებს”.

თავდებობის პირველი ეტაპია ხელშეკრულების გაფორმება კერძო პირთან ან ბანკთან,რომლითაც ორი მხარე თანხმდება პირობებსა და ვალდებულებებზე.

თუ მოვალემ ვერ გადაიხადა დავალიანება, კრედიტორის სარჩელის საფუძველზე დავას განიხილავს სასამართლო.

სასამართლოს გადაწყვეტილების შემდგომ შესაძლებელია ძირითადმა მსესხებელმა თავად დაფაროს დავალიანება. ან საქმე კრედიტორის სურვილის შემთხვევაში წავიდეს იძულებით აღსულებაზე. შესაძლოა თავდებმა ვერ მიიღოს მონაწილეობა სასამართლო პროცესში სხვადასხვა მიზეზთა გამო, შესაბამისად გადაწყვეტილება გამოვიდეს მის დაუსწრებლად.

რადგანაც სასამართლო იღებს გადაწყვეტილებას სოლიდარულად დაეკისროთ ძირითად მსესხებელსა და თავდებს (თავდებებს) პასუხისმგებლობა, ყველა მოვალეს თანაბრად ეკისრება პასუხისმგებლობა, შესაბამისად, აღმასრულებელს არ აქვს ვალდებულება და არც უფლებამოსილება გამოიკვლიოს სახელშეკრულებო ურთიერთობაში ვინ იყო ძირითადი მსესხებელი და ვინ თავდები, არამედ ყველა მოვალის ქონებას თანაბრად იძიებს და თანაბრად ახდენს იძულებით აღსრულებას. ხოლო მოთხოვნა დაკმაყოფილებული იქნება იმ მოვალისაგან, რომელსაც რეალურად აღმოაჩნდება ქონება. იმ შემთხვევაში, თუ გადაწყვეტილება მიიღება თავდების დაუსწრებლად და მას არც აღსრულების ეროვნული ბიუროს შეტყობინება ჩაბარებია იძულებითი აღსრულების დაწყების შესახებ, შესაძლოა ის დადგეს მისი ქონების რეალიზაციის ფაქტის წინაშე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.