საადვოკატო ბიურო „ნაკაშიძე და პარტნიორებს“ წარმოადგენდა ადვოკატი ნათია ნაკაშიძე, რომელიც მიწვეული იყო საქართველოს ანტიკორუფციული ბიუროს მიერ ორგანიზებულ შეხვედრაზე

2025 წლის 21 მაისს, საადვოკატო ბიურო „ნაკაშიძე და პარტნიორებს“ წარმოადგენდა ადვოკატი ნათია ნაკაშიძე, რომელიც მიწვეული იყო საქართველოს ანტიკორუფციული ბიუროს მიერ ორგანიზებულ შეხვედრაზე.

შეხვედრის მთავარი თემა იყო საქართველოს კანონი „უცხოეთის აგენტების რეგისტრაციის აქტი“, რომელიც ძალაში შევა 2025 წლის 31 მაისიდან, ინიციატივა ეფუძნება აშშ-ში არსებულ უცხოელი აგენტების რეგისტრაციის აქტს (FARA).

აღნიშნული კანონის მოქმედება არ შეეხებათ საქართველოს მოქალაქეობის მქონე ქართველ ემიგრანტებს (მათ შორის იტალიის რესპუბლიკის ტერიტორიაზე მყოფებს) და მათი ოჯახის წევრებს. ემიგრანტების მიერ უცხოეთიდან (მსოფლიოს ნებისმიერი ქვეყნიდან) საქართველოში თანხის გადმორიცხვის პროცედურები უცვლელი რჩება. ასევე მათ მიერ არასამთავრობო ორგანიზაციებში და ჰუმანიტარიული სახის ორგანიზაციებში ჩარიცხულ თანხებს. შესაბამისად მათ მიმართ არ იქნება გამოყენებული სანქციები ჯარიმის სახით, ან სისხლის სამართლებრივი პასუხისმგებლობა.

შეხვედრაზე განხილული იყო ინფორმაცია კანონის შინაარსის, მოქმედების არეალის, რეგისტრაციის ფორმისა და პროცედურების შესახებ. ბიუროს თავმჯდომარის განცხადებით აღნიშნული რეგულაცია ხელს შეუწყობს საერთაშორისო ორგანიზაციებთან თანამშრომლობის ხარისხობრივ გაუმჯობესებას და ეროვნული ინტერესებისა და დემოკრატიული ღირებულებების მდგრად თანხვედრას.