მალე, ქართულ მართვის მოწმობას იტალიის რესპუბლიკა აღიარებს!

განსაკუთრებული სიახლე იტალიაში მცხოვრები ქართველებისთვის!

გვინდა გაცნობოთ, რომ საქართველოს საგარეო საქმეთა სამინისტროსა და შინაგან საქმეთა სამინისტროს ძალისხმევით, იტალიაში მცხოვრები ქართველებისთვის უმნიშვნელოვანესი საკითხი მართვის მოწმობების ურთიერთაღიარება მალე რეალობად იქცევა!

ქ. რომში ვიზიტის ფარგლებში, საგარეო საქმეთა მინისტრის მოადგილემ, გიორგი ზურაბაშვილმა და იტალიაში საქართველოს პოლიციის ატაშემ, ვლადიმერ ბორცვაძემ, იტალიის ტრანსპორტისა და ინფრასტრუქტურის სამინისტროსთან გამართეს პროდუქტიული შეხვედრა, სადაც:

ხაზი გაესვა ქართული მართვის მოწმობების აღიარების აუცილებლობას, რაც ქართველ ემიგრანტებს გამოცდის ჩაბარების გარეშე მოუხსნის დაბრკოლებებს.

მხარეებმა ისაუბრეს შეთანხმების დეტალებზე და გამოთქვეს სრული მზადყოფნა, რომ მოკლე ვადებში მოხდეს შეთანხმების ხელმოწერა.

განსაკუთრებული მადლობა საქართველოს საგარეო საქმეთა სამინისტროს, შინაგან საქმეთა სამინისტროს და საქართველოს საელჩოსა და გენერალური საკონსულოს იტალიაში, რომლებმაც მრავალი წლის დაუღალავი შრომით და მოლაპარაკებებით ეს შეთანხმება რეალობად აქციეს!

აღსანიშნავია, რომ საქართველოს მსგავსი შეთანხმებები უკვე გაფორმებული აქვს ესპანეთთან, საბერძნეთთან და ირლანდიასთან.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები