სასამართლო რეფორმის სამუშაო ჯგუფმა სასამართლოსთან დაკავშირებით საკანონმდებლო ცვლილებების პაკეტზე კიდევ იმსჯელა

იურიდიულ საკითხთა კომიტეტის სასამართლო რეფორმის სამუშაო ჯგუფმა, სასამართლოსთან დაკავშირებით საკანონმდებლო ცვლილებების პაკეტზე კიდევ ერთხელ იმსჯელა.

ჯგუფმა რამდენიმე საკითხზე, მათ შორის მოსამართლეთა სხვა სასამართლოში მივლინებაზე, იუსტიციის უმაღლეს საბჭოში მოსამართლე წევრების ორჯერ არჩევის აკრძალვის გაუქმებაზე იმსჯელა; ასევე ისაუბრეს - რა რაოდენობით უნდა იყვნენ წარმოდგენილი იუსტიციის უმაღლეს საბჭოში სასამართლოს თავმჯდომარეები და ადმინისტრაციული ფუნქციის მქონე პირები.

როგორც შეხვედრის დასრულების შემდეგ იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, მმართველი გუნდის ინტერესია საუკეთესო ევროპული სამართლებრივი ნორმების გადმოტანა ქართულ კანონმდებლობაში.

„ჩვენ მივისწრაფვით ევროკავშირისკენ და მიზნად ვისახავთ კანდიდატის სტატუსის მოპოვებას. აქედან გამომდინარე, ჩვენი ლოგიკური ინტერესია, სწორედ საუკეთესო ევროპული სამართლებრივი ნორმების გადმოტანა და შესაბამისობაში მოყვანა ჩვენს კანონმდებლობასთან. ამის იქით, ჩვენ ვერ ვხედავთ გამოსავალს, როდესაც საუბარია ისეთი ცდების ჩატარებაზე, რომელიც არ ჩატარებულა არცერთ ევროპულ განვითარებულ, სამართლებრივი ტრადიციების მქონე ქვეყანაში“, - აღნიშნა ანრი ოხანაშვილმა.

მისი თქმით, სასამართლოსთან დაკავშირებით საკანონმდებლო ცვლილებების პაკეტი დაინიცირებულია თორმეტპუნქტიანი რეკომენდაციების ფარგლებში, რომელიც შემუშავდა სამუშაო ჯგუფის ფარგლებში და შემდგომ გაიგზავნა ვენეციის კომისიაში, საიდანაც გამოიგზავნა კონკრეტული რეკომენდაციები და ორშაბათიდან, უკვე მეორე მოსმენით დაიწყება ამ საკითხების დაზუსტება და განხილვა.

წყარო: საქართველოს პარლამენტი

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები