არასრულწლოვნისთვის პასპორტის დამზადება

არასრულწლოვნისთვის პასპორტის დასამზადებლად აუცილებელი დოკუმენტებია:

• არასრულწლოვნის დაბადების მოწმობა;
• არასრულწლოვნის პირადობის მოწმობა (თუ არასრულწლოვანი 14 წლისაა);
• კანონიერი წარმომადგენლის/წარმომადგენლების თანხმობა (16 წლამდე არასრულწლოვნის შემთხვევაში საჭიროა ორივე კანონიერი წარმომადგენლის, ხოლო 16-დან 18 წლამდე პირის შემთხვევაში − ერთ-ერთი მათგანის თანხმობა);
• ბიომეტრიული ფოტოსურათი ელექტრონული ფორმით, რომლის გადაღება შესაძლებელია ადგილზე;
• განმცხადებლის პირადობის მოწმობა;
• მომსახურების საფასურის გადახდის დამადასტურებელი ქვითარი.
• 9 წლის ასაკიდან პასპორტში ფიქსირდება თავად არასრულწლოვნის ხელმოწერა, ხოლო 12 წლის ასაკიდან როგორც ხელმოწერა, ისე თითის ანაბეჭდებიც.
• კანონიერი წარმომადგენლის/წარმომადგენლების მიერ თანხმობის გამოხატვა შესაძლებელია როგორც ადგილზე, ისე, დისტანციური მომსახურების მეშვეობით ან შესაძლებელია თანხმობის წარმოდგენა ნოტარიულად დამოწმებული სახით.
• არასრულწლოვანზე პასპორტი გაიცემა 3 წლის ვადით.

პასპორტის მიღების ვადა და საფასური განისაზღვრება:

მე–10 სამუშაო დღეს – 75 ლარით;

მე–5 სამუშაო დღეს – 105 ლარით;

მე–3 სამუშაო დღეს – 150 ლარით;

მე–2 სამუშაო დღეს – 225 ლარით;

იმავე დღეს – 275 ლარით.