რა უნდა იცოდეს მომხმარებელმა ონლაინშოპინგის დროს - როგორ დაიცვათ თქვენი უფლებები საქართველოში

ადვოკატი / ადვოკატი ნათია ნაკაშიძე / iuristi / Advokati | lawyer / ადვოკატის ნომერი / ადვოკატი / სტატიები

შეკითხვა: ონლაინმაღაზიაში ნივთი შევუკვეთე, თანხა გადავრიცხე, მაგრამ რაც მომიტანეს, არ აღმოჩნდა ისეთი, რაც შევუკვეთე. კურიერმა უკან წაღებაზე უარი მითხრა, მაღაზიამაც არ იბრუნებს ნივთს. რას ვაკეთებ?

ადვოკატი ნათია ნაკაშიძე რომელიც სპეციალიზებულია ადმინისტრაციულ, სამოქალაქო და ბავშვთა უფლებებში, განმარტავს: „დღესდღეობით ონლაინვაჭრობა საქართველოში სულ უფრო აქტუალური ხდება, თუმცა ამავდროულად იზრდება მომხმარებელთა უფლებების დარღვევის შემთხვევებიც. მომხმარებელს, რომელიც ელექტრონული გზით ყიდულობს პროდუქტს, ხშირად აკლია შესაძლებლობა, წინასწარ შეაფასოს ნივთის ხარისხი ან მახასიათებლები. სწორედ ამიტომ საქართველოს კანონმდებლობა იცავს ასეთ მყიდველს სპეციალური მექანიზმებით.“

რა ამბობს „მომხმარებელთა უფლებების დაცვის შესახებ“ კანონი ? - საქართველოს მოქმედი კანონმდებლობით, მომხმარებელს უფლება აქვს შეძენილი ნივთის დაბრუნება 14 კალენდარული დღის განმავლობაში, თუ საქონელი არ შეესაბამება აღწერილობას, ან უბრალოდ მყიდველი გადაიფიქრებს.

ეს წესი მოქმედებს სწორედ იმ შემთხვევაში, როცა საქონელი შეძენილია ელექტრონულად - ონლაინმაღაზიაში, სოციალური ქსელების გზით ან სხვა დისტანციური ფორმით.

თუ გამყიდველი უარს გეუბნებათ ნივთის დაბრუნებაზე ან თანხის დაბრუნებაზე, შეგიძლიათ მიმართოთ:

საქართველოს კონკურენციის ეროვნულ სააგენტოს
მისამართი: თბილისი, აღმაშენებლის გამზირი 154
ცხელ ხაზი: 032 2 05 44 22

საქართველოს კონკურენციის ეროვნულ სააგენტო შეისწავლის საქმეს, დაადგენს დარღვევას და მოვაჭრეს მისცემს გონივრულ ვადას დარღვევის აღმოსაფხვრელად. თუ მოვაჭრე ამ ვადაში არ რეაგირებს, მას დაეკისრება ადმინისტრაციული ჯარიმა.

პრაქტიკული რჩევები ადვოკატისგან:

1.შეინახეთ ყველა გადახდის ქვითარი, ჩატი და მიმოწერა.

2. გადაიღეთ მიღებული ნივთის ფოტოები - ეს იქნება მტკიცებულება.

3. მიმართეთ წერილობით გამყიდველს ნივთის დაბრუნების მოთხოვნით.

4. თუ პასუხს ვერ მიიღებთ, შეიტანეთ საჩივარი კონკურენციის ეროვნულ სააგენტოში.

კონსულტაციისთვის დაგვიკავშირდით