მიწის ყიდვა და რეგისტრაციის პრობლემები - ადვოკატის რჩევები

თუ ოდესმე მიწის ყიდვა დაგიფიქსირებიათ, იცით, რომ პროცესი ყოველთვის მარტივი არ არის. ხშირად რეესტრში აღმოჩნდება ხარვეზი, ძველი გაზომვები არ ემთხვევა რეალობას ან საბუთები ბოლომდე მოწესრიგებული არ არის. სწორედ ასეთ დროს ჩნდება მთავარი კითხვა:

ღირს თუ არა გარიგებაში შესვლა მაშინ, როცა ქონება ჯერ არ არის რეგისტრირებული? აღნიშნულ საკითხთან დაკავშრებით ისაუბრებს სამოქალაქო და ბავშვთა უფლებებში ლიცენზირებულიადვოკატი ნათია ნაკაშიძე.

2024 წლის აგვისტოში ერთმა ოჯახმა გადაწყვიტა სოფელში ნაკვეთის ყიდვა. ყველაფერი წესრიგში ჩანდა მეზობლებთან დავა არ იყო, ნაკვეთი წლების განმავლობაში შემოღობილი ჰქონდათ, ფაქტობრივად, საკუთრება გამყიდველს ეკუთვნოდა. თუმცა რეესტრში აღმოჩნდა პატარა პრობლემა: წლების წინ მიწა არასწორად იყო გაზომილი, რის გამოც 500 კვ.მ. რეგისტრაციის გარეშე დარჩა.

მყიდველი ჩქარობდა ყიდვას, გამყიდველი გაყიდვას, მაგრამ მთავარი დაბრკოლება მაინც რეგისტრაცია იყო.

ადვოკატი ნათია ნაკაშიძე განმარტავს:

1.რეგისტრაციის გარეშე ყიდვა შეუძლებელია - სანამ ქონება საჯარო რეესტრში არ დარეგისტრირდება გამყიდველის სახელზე, მყიდველს ვერ გადაეცემა. სხვა შემთხვევაში გარიგება უბრალოდ არ ჩაიწერება.

2. ანდერძი გამოსავალი არ არის - შეიძლება გამყიდველმა ქონება ანდერძით დაგიტოვოთ, მაგრამ თუ მას ჰყავს შვილები ან სხვა მემკვიდრეები, მათ ყოველთვის ექნებათ უფლება მოითხოვონ სავალდებულო წილი. ეს კი მომავალში დიდი პრობლემის მიზეზი გახდება.

3. გამოსავალი: ადვოკატი ნათია ნაკაშიძე მყიდველებს ურჩევს დაელოდონ, სანამ რეგისტრაციის პროცესი ბოლომდე დასრულდება. ამის შემდეგ გარიგება უსაფრთხო და სანდო იქნება.

ხშირად დასმული კითხვები (FAQ)

1. შესაძლებელია თუ არა ნაკვეთის ყიდვა მაშინ, როცა რეესტრში ჯერ არ არის რეგისტრირებული?
არა. ქონება აუცილებლად უნდა იყოს რეგისტრირებული გამყიდველის სახელზე, წინააღმდეგ შემთხვევაში გარიგება ვერ ჩაიწერება და მყიდველიც ვერ გახდება მფლობელი.

2. ანდერძით შეიძლება ქონების უზრუნველყოფა?
ანდერძი მხოლოდ დამატებითი საშუალებაა, მაგრამ ის არ არის უსაფრთხო გარანტია. თუ გამყიდველს ჰყავს შვილები ან სხვა კანონით განსაზღვრული მემკვიდრეები, მათ ყოველთვის ექნებათ სავალდებულო წილი.

3. როგორ მოვიქცე, თუ მიწის აზომვაზე 365 დღე გავიდა და საბუთი ისევ არ არის მზად?
ასეთ შემთხვევაში მიზანშეწონილია მიმართოთ საჯარო რეესტრს ან იურისტს, რათა შეამოწმოთ პროცესი. სანამ რეგისტრაცია არ დასრულდება, ყიდვა არ არის რეკომენდებული.

4. შეიძლება თუ არა მყიდველმა წინასწარ გააფორმოს ხელშეკრულება?
შესაძლებელია გაფორმდეს წინასწარი ხელშეკრულება, რომელიც დააფიქსირებს მხარეთა სურვილს, მაგრამ ის ძალაში შევა მხოლოდ მაშინ, როცა ქონება ოფიციალურად დარეგისტრირდება.

5. რა არის ყველაზე უსაფრთხო გზა?
მოთმინება და რეგისტრაციის დასრულების შემდეგ ყიდვა. ეს ერთადერთი გზაა, რომ მომავალში დავები და სამართლებრივი პრობლემები თავიდან იქნას აცილებული.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები