უცხოეთში მიღებული განათლების აღიარება საქართველოში

უცხოეთში მიღებული განათლების აღიარება საქართველოში - ადვოკატი ნათია ნაკაშიძე, (სპეციალიზაცია: სამოქალაქო, ადმინისტრაციული საქმეები და ბავშვთა უფლებები) უპასუხებს თქვენს შეკითხვებს.

დღეს, როცა ქართველ სტუდენტთა რაოდენობა უცხოეთში მზარდია, ერთ-ერთი მნიშვნელოვანი საკითხი ხდება განათლების ხარისხის განვითარების ეროვნული ცენტრის (EQE) მიერ მიღებული განათლების აღიარება. ბევრი ფიქრობს, რომ საკმარისია მხოლოდ ცენტრის მიერ გაცემული ცნობა საგანმანათლებლო დაწესებულებაზე, თუმცა რეალობა უფრო კომპლექსურია.

რას ნიშნავს ცენტრის მიერ გაცემული ცნობა საგანმანათლებლო დაწესებულებაზე?

ცენტრის მიერ გაცემული ცნობა ამტკიცებს, რომ კონკრეტული საგანმანათლებლო დაწესებულება აღიარებულია იმ ქვეყნის კანონმდებლობით, სადაც ის ოპერირებს. ამავე დროს, ცნობა ადასტურებს, რომ დაწესებულება უფლებამოსილია განათლების გაცემაზე.

თუმცა მნიშვნელოვანია აღინიშნოს ეს ცნობა არ ნიშნავს ავტომატურ აღიარებას იმ განათლებისა, რომელიც კონკრეტულ დაწესებულებაში მიიღეთ. ცნობა წარმოადგენს ერთ-ერთ დადებით, მაგრამ არასრულ წინაპირობას, რაც საჭიროა საბოლოო აღიარებისთვის.

როგორ ხდება უცხოეთში მიღებული განათლების აღიარების პროცესი?

ეს პროცესი ორ ძირითად კომპონენტად ფასდება:

1) დოკუმენტის ნამდვილობის დადასტურება დადგენა, რომ:

ა) დიპლომი ან სერთიფიკატი ნამდვილად გაცემულია იმ პირის სახელზე, ვის სახელზეც წარმოდგენილია.

ბ) დოკუმენტის გამცემი დაწესებულება ლეგალურად აღიარებულია უცხო ქვეყანაში.

2) კვალიფიკაციის შესაბამისობის შეფასება  შეფასდება:

ა) რამდენად შეესაბამება უცხოური კვალიფიკაცია საქართველოს ეროვნულ საკვალიფიკაციო ჩარჩოს.

ბ) შეესაბამება თუ არა სწავლის საფეხური, შინაარსი და ხანგრძლივობა ქართულ სისტემას.

შეიძლება თუ არა განათლების აღიარებაზე უარის მიღება? – მთავარი რისკები

დიახ, გარკვეულ შემთხვევებში EQE-ს შეუძლია უარი თქვას უცხოეთში მიღებული განათლების აღიარებაზე. უარის ძირითადი მიზეზები შეიძლება იყოს:

ა) დაწესებულების სტატუსთან დაკავშირებული პრობლემა თუ სასწავლებელი არ არის ლეგალურად აღიარებული იმ ქვეყანაში.

ბ) დოკუმენტის ავთენტურობის პრობლემა ყალბი, გაურკვეველი ან არასრული დოკუმენტაცია.

გ) კვალიფიკაციის შეუსაბამობა თუ პროგრამის დონე, ხანგრძლივობა ან სტრუქტურა არ შეესაბამება ქართულ სტანდარტებს.

დ) სწავლის ფორმა მაგალითად, არაკონვენციური ან დისტანციური სწავლების ფორმები, რომლებიც არ აკმაყოფილებენ ცენტრის კრიტერიუმებს.

როგორ მოემზადოთ სწორად?

თუ აპირებთ უცხოეთში მიღებული განათლების აღიარებას საქართველოში, აუცილებელია წინასწარ შეამოწმოთ შემდეგი:

ა) დოკუმენტის გამცემი დაწესებულება აღიარებულია შესაბამის ქვეყანაში.

ბ) სწავლების ფორმა აკმაყოფილებს საქართველოს მოთხოვნებს.

გ) განათლება მინიჭებულია იმ პროგრამის ფარგლებში, რომელიც შეესაბამება ქართულ საკვალიფიკაციო ჩარჩოს.

საადვოკატო ბიურო “ნაკაშიძე და პარტნიორები“ აგრძელებს თქვენს მიერ გამოგზავნილ საინტერესო კითხვებზე პასუხების გაცემას. თუ გაქვთ შეკითხვა იურისტთან და გჭირდებათ კომპეტენტური პასუხის მიღება, სტატიის ქვეშ, შეგიძლიათ მოგვწეროთ შეკითხვები და შევეცდებით უმოკლეს დროში მიიღოთ პასუხები.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები