ადვოკატის მომსახურება თანხის გასესხებისას და გასესხებული თანხის მსესხებლის მიერ არ დაბრუნებისას

ფულის გამსესხებელი შეიძლება იყოს ფიზიკური პირიც და ფინანსური ორგანიზაციებიც. საქართველოში უამრავი ფინანსური ორგანიზაციის პარალელურად, ასევე უამრავი ფიზიკური პირი ეწევა ამ ტიპის საქმიანობას. ფინანსური საქმიანობა წარმატებული და მომგებიანი რომ იყოს, აუცილებელია კონკრეტული წესების და რეკომენდაციების დაცვა.

პროცესი რომ სამართლებრივად სრულად გამართული და მოწესრიგებული იყოს, საჭიროა ხელშეკრულების გაფორმება. ეს ფაქტი ისე მსესხებლის და გამსესეხებლის უფლებების დაცვას უზრუნველყოფს.

თუ თქვენ მიმართ სასესხო დავალიანება 20 ან მეტ ფიზიკურ პირს აქვს, თქვენ ვალდებული ხართ დარეგისტრირდეთ, როგორც სესხის გამცემი სუბიექტი. რეგისტრაცია ხდება საქართველოს ეროვნულ ბანკში, რომელიც რეგისტრაციის მომენტიდან თქვენს საქმიანობას გააკონტროლებს. აღსანიშნავია ის ფაქტიც, რომ რეგულაციები არსებობს, თუმცა ისეთი მკაცრი არაა, როგორც კომერციული ბანკებისა და მისო-ების შემთხვევაში.

რეგისტრაციის შემდეგ თქვენ, როგორც სესხის გამცემ სუბიექტს, გარკვეული უფლებები მოგენიჭებათ. ესენია სესხის გაცემა და თანხის გადაუხდელობის შემთხვევაში სესხის ამოღებისთვის საჭირო ქმედებების განხორციელება.

გაითვალისწინეთ, რომ წინასწარ შეადგინოთ სესხის დაბრუნების გეგმა და პუნქტებიც დეტალურად გაწეროთ ხელშეკრულებაში, რომელსაც ნოტარიუსთან გააფორმებთ.

თქვენ, როგორც სესხის გამცემ სუბიექტს, ხელშეკრულების გაფორმების დროს შეგიძლიათ მოითხოვოთ უზრუნველყოფა. თუმცა გასათვალისწინებელია, რომ სესხის გაცემისას კერძო პირს არ შეუძლია მსესხებელს მოსთხოვოს სესხის უზრუნველყოფა ავტოსატრანსპორტო საშუალების ან მოძრავი ქონების სახით. მოქმედ კანონმდებლობაში უზრუნველყოფის მოთხოვნის შეზღუდვა 2018 წლის 20 აგვისტოდან მოქმედებს.

იურისტებს ხშირად მოგვმართავენ გასესხებული თანხის უკან დაბრუნების პრობლებით. სამოქალაქო კოდექსის 624-ე მუხლის თანახმად "სესხის ზეპირი ხელშეკრულების დროს მისი ნამდვილობა არ შეიძლება დადგინდეს მხოლოდ მოწმეთა ჩვენებებით", ამიტომ აუცილებელია სესხის ხელშეკრულება წერილობით გააფორმოთ.

ხელწერილში მითითებული იქნება სესხის ოდენობა,სესხის დაბრუნების ვადა,მხარეთა ხელმოწერები და გამსესხებლის და მსესხებლის სახელი, გვარი და პირადი ნომერი.

შესაძლებელია შეთანხმება ვადის გადაცილების შემთხვევაში პირგასამტეხლოს დაკისრებაზე.

ასე ადვილად დაამტკიცებთ სესხის გაცემის ფაქტს და დაიბრუნებთ თანხას.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.