სესხის უზრუნველყოფის სახეები

პრაქტიკაში სესხის უზრუნველყოფის სხვადსხვა სახე შეგხვდებათ: უძრავი ქონება - შენობა-ნაგებობა, მიწა; მოძრავი ქონება - ტექნიკა, სატრანსპორტო საშუალებები, ბანკში განთავსებული ანაბარი. სესხის უზრუნველყოფის ერთგვარ სახედ შეგვიძლია ჩავთვალოთ, ასევე, ფიზიკური ან იურიდიული პირის თავდებობა.

ზოგჯერ უზრუნველყოფის ტიპს სასესხო პროდუქტი განსაზღვრავს. მაგალითად, იპოთეკური სესხის აღებისას, სესხის შინაარსიდან გამომდინარე, უზრუნველყოფის სახით საჭირო იქნება უძრავი ქონება წარადგინოთ, ხოლო ავტო სესხის შემთხვევაში - შესაძენი ავტომობილი. რიგ შემთხვევაში, უზრუნველყოფის მიმართ მოთხოვნები დადგენილია საკანონმდებლო დონეზეც, თუმცა, საბოლოო ჯამში, უზრუნველყოფის ტიპი და საჭიროება ძირითადად მაინც საკრედიტო ორგანიზაციის შიდა პოლიტიკის შესაბამისად დგინდება და დიდწილად მსესხებლისა და მასზე გასაცემი სესხის რისკიანობის დონეზეა დამოკიდებული.

თუ სესხის გაცემის ერთ-ერთ წინაპირობად კრედიტორი თავდების წარდგენას გთხოვთ, უნდა გაითვალისწინოთ, რომ თავდები პირი თავდებობის ხელშეკრულებაზე ხელმოწერით სესხის დაფარვის სრულ პასუხისმგებლობას იღებს იმ შემთხვევაში, თუ თქვენ ვეღარ დაფარავთ სესხს. გარდა ამისა, შესაბამისი ინფორმაცია საკრედიტო ბიუროშიც აღირიცხება და როცა თავდები თავად მოითხოვს სესხს, თქვენზე აღებული ვალდებულება მისი ფინანსური მონაცემების ანალიზისას გაითვალისწინება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.