მემკვიდრეთა თანაბარი უფლებები მამკვიდრებლის ქონებასთან მიმართებით

მემკვიდრეობის საგანი შეიძლება გახდეს ის ქონება, რომელიც პატრონის გარდაცვალების შემდეგ ახალ პატრონს გადაეცემა კანონით ან/და მემკვიდრეობით. თუ ქონების მეპატრონეს თავის სიცოცხლეში თავისივე ნებით არ შეუდგენია ანდერძი, მისი ქონების განაწილება მოხდება კანონმდებლობით დადგენილი წესით.

კანონისმიერი მემკვიდრეობის დროს გასათვალისწინებელია თუ ვის ეკუთვნის მამკვიდრებლის ქონება პირველ რიგში. პირველი რიგის მემკვიდრეებს წარმოადგენენ გარდაცვლილის შვილები, გარდაცვლილის შვილი, რომელიც მისი სიკვდილის შემდეგ დაიბადა, მეუღლე და მშობლები . ეს კი ნიშნავს იმას, რომ პირველი რიგის ყველა მემკვიდრეს აქვს თანაბარი უფლებები მამკვიდრებლის ქონებასთან მიმართებით, ანუ ყველა მემკვიდრეს ეკუთვნის მამკვიდრებლის ქონება თანაბრად.

კანონით, ქალიშვილიც ისეთივე სრულფასოვანი მემკვიდრეა, როგორც – ვაჟი.

რაც შეეხება ანდერძით მემკვიდრეობას, გარდაცვლილ პირს (მამკვიდრებელს) ანდერძის შედგენით წინასწარ აქვს განსაზღვრული, ვის დარჩება და რა რაოდენობით მისი ქონება. მნიშვნელოვანია ის გარემოება, რომ კანონი არც ანდერძისმიერი მემკვიდრეობის შემთხვევაში ტოვებს უყურადღებოდ კანონისმიერ მემკვიდრეებს. ასეთ შემთხვევაში, პირველი რიგის კანონისმიერი მემკვიდრეები მიიღებენ იმ ქონების ნახევარს, რომელსაც მიიღებდნენ თუ ანდერძი არ იარსებებდა.

კანონითა და ანდერძით მემკვიდრეობას ერთდროულად მაშინ აქვს ადგილი, როდესაც ანდერძი დაწერილია სამკვიდროს მხოლოდ ნაწილზე ან/და ანდერძი სასამართლოს მიერ ნაწილობრივ ბათილადაა ცნობილი, სამკვიდროს იმ ნაწილზე, რომელიც ანდერძში არ არის მოხსენიებული ან/და ანდერძი სასამართლოს მიერ ნაწილობრივ ბათილადაა ცნობილი. ასეთ შემთხვევაში გამოიყენება, როგორც ანდერძი, ისე კანონმდებლობით დადგენილი წესები, რითიც მთლიანად რეგულირდება სამკვიდროს საკითხი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.