ქონების წილის მოთხოვნა განქორწინების შემდეგ

განქორწინებისას მეუღლეებს შორის ქონება თანაბრად იყოფა, თუმცა ერთი მნიშვნელოვანი გარემოებაა. მხოლოდ ის ქონება იყოფა, რომელიც თანაცხოვრების დროსაა შეძენილი. თუ ერთმა მეუღლემ მემკვიდრეობით მიიღო ან ამ კონკრეტულ პირს აჩუქეს, ნაჩუქარი და მემკვიდრეობით მიღებული ქონება არ გაიყოფა. სხვა დანარჩენი თანაბრად იყოფა. თუმცა, აღსანიშნავია, რომ ქორწინებად ითვლება მხოლოდ სამოქალაქო რეესტრში ქორწინების რეგისტრაციის ფაქტი. თუ ადამიანები ერთად ცხოვრობენ ან ჯვარი აქვთ დაწერილი, ქონება არ იყოფა.

თუ სახლი ქორწინებამდეა შეძენილი, არ გაიყოფა. გამონაკლისი ამ კუთხით არის ის, რომ თანაცხოვრების დროს თუ მნიშვნელოვნად გაუმჯობესდება აღნიშნული ქონების მდგომარეობა და ღირებულებაც ბევრად გაიზრდება, ასეთ შემთხვევაში შეიძლება თანამესაკუთრეობაზეც ვისაუბროთ. მაგალითად, თუ ერთ მეუღლეს ბინა ქორწინებამდე ჰქონდა და რეგისტრირებული ქორწინების პერიოდში ეს სახლი გარემონტდა, გაიზარდა ფართი, გაკეთდა დაშენება ან იმგვარი გადაგეგმარება, რომ ამან მნიშვნელოვნად გაზარდა სახლის საბაზრო ღირებულება და მდგომარეობა, ასეთ შემთხვევაში შეიძლება ეს ქონება გაიყოს. მაგრამ, სტანდარტულად, თუ ქონება რომელიმე მეუღლეს ქორწინებამდე აქვს შეძენილი, ამ ქონებაზე მეორე მეუღლის საკუთრების უფლება არ გავრცელდება.

როდესაც მეუღლეები ერთად აღარ ცხოვრობენ და ბავშვი რომელიმე ერთ მშობელთან საცხოვრებლად რჩება, ასეთ შემთხვევაში ამ მშობელს აქვს უფლება, რომ მეორე მშობლისგან ალიმენტი მოითხოვოს. მაგალითად, თუ ბავშვი დედასთან რჩება, მას შეუძლია შვილის სახელით მამას ალიმენტი მოსთხოვოს. ასევეა პირიქით. ვისთანაც ცხოვრობს ბავშვი, ის მშობელი ითხოვს ალიმენტს. კარგ ვარიანტში შეიძლება მეუღლეები თავადვე შეთანხმდნენ ალიმენტის ოდენობაზე, გადახდის წესსა და პერიოდულობაზე. მათ შორის, ფორმაზე, საბანკო ანგარიშზე დაირიცხება თანხა, ხელზე მისცემენ თუ სხვა. მაგრამ, თუ მხარეები ამაზე ვერ თანხმდებიან, მშობელს, რომელთანაც ბავშვი ცხოვრობს, უფლება აქვს, რომ მეორე მშობლის წინააღმდეგ სასამართლოში შეიტანოს სარჩელი. ასეთ შემთხვევაში საქმეს მოსამართლე განიხილავს. ალიმენტის დადგენილი ოდენობა კანონში პირდაპირ არ წერია. მხედველობაში მიიღება მამისა და დედის ქონებრივი მდგომარეობა, ასევე ბავშვის საჭიროებები და ასე შემდეგ. ალიმენტის გადახდა 18 წლამდე ხდება. თუმცა, თუ ბავშვი შშმ პირია, არ აქვს იმისშესაძლებლობა, რომ თავად იზრუნოს საკუთარ თავზე, გადახდის ვალდებულება შეიძლება 18 წლის შემდეგაც გაგრძელდეს. გააჩნია შვილის ჯანმრთელობასა და შესაძლებლობებს.

თუ ქმარი თავის წილს არ აძლევს ცოლს, ქალს უფლება არ აქვს მეუღლის ოჯახს მოსთხოვოს ქონება, რადგან მხოლოდ მეუღლეების ქონება იყოფა.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;