რა უნდა იცოდეთ ბინის შეძენამდე-რჩევები

1. უძრავი ქონების შეძენამდე ნახეთ განახლებული ამონაწერი საჯარო რეესტრიდან.
2. არ ენდოთ ზეპირ შეთანხმებას – ზოგჯერ მხარეები თანხმდებიან და მყიდველი ფულს წინასწარ იხდის.
3. გადაამოწმეთ, რომ ეს ქონება არც დაყადაღებულია და არც სხვაზეა გადაფორმებული.( რამდენიმე საათის წინ გადამოწმებული ბინა შეიძლება დაყადაღებული იყოს, ან იპოთეკაში იყოს ჩადებული.)
4. თუ ბინის ყოფილ მფლობელს იპოთეკური სესხი აქვს გაფორმებული, დარწმუნდით, ხომ არ ჩამორჩება ბინის ღირებულება დასაფარ ვალს. შეამოწმეთ – არის თუ არა უძრავი ქონება იპოთეკით დატვირთული და ხომ არ აქვს მის მეპატრონეს საგადასახადო ვალდებულებები.
5. გაითვალისწინეთ ,გაყიდვა რომ დაგჭირდეთ, ამ ბინის ფასი გაიზრდება თუ შემცირდება.
6. შეიძლება რომელიმე კომპანიამ მშენებლობა წამოიწყოს, მაგრამ ბოლომდე ვერ მიიყვანოს. თუ კომპანიას ფინანსური პრობლემები შეექმნება, შეიძლება წინასწარ ჩარიცხული თანხა დაკარგოთ.
7. ზოგჯერ უძრავი ქონების სააგენტოებიც აზარალებენ ბინის მყიდველებს.არ ენდოთ მაკლერს. თავად გადაამოწმეთ ბინის შესახებ დეტალები.
8. შეამოწმეთ საკადასტრო-აზომვითი ნახაზი. საკადასტრო ნახაზში უძრავი ქონების ადგილ-მდებარეობა ზუსტად არის განსაზღვრული. ზოგჯერ მომიჯნავე ნაკვეთების მფლობელები გადმოდიან და სხვის საზღვრებში იჭრებიან. როდესაც საჯარო რეესტრში საკადასტრო ნახაზი არ გაქვთ წარდგენილი, შეიძლება აღმოჩნდეს, რომ ეს ქონება უკვე სხვას აქვს დარეგისტრირებული.
9. თუ „ბე“-ს გადაიხდით და მესაკუთრე ქონებას არ გადმოგცემთ, მაშინ ვალდებულია ორმაგად დაგიბრუნოთ ეს თანხა უკან, მაგრამ თუ თქვენი მიზეზით აღარ შეიძენთ ბინას, მაშინ „ბე“-ს მოთხოვნის უფლებასაც კარგავთ. ამიტომ, უმჯობესია ორმხრივი ხელშეკრულების გაფორმება მეპატრონესთან ფულის გადახდამდე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.