საქართველოს სტატისტიკის ეროვნულ სამსახურსა და ინტელექტუალური საკუთრების ეროვნულ ცენტრს შორის მემორანდუმი გაფორმდა

საქართველოს სტატისტიკის ეროვნულ სამსახურსა და საქართველოს ინტელექტუალური საკუთრების ეროვნულ ცენტრს შორის გააფორმდა მემორანდუმი, რომელიც მიზნად ისახავს ორი უწყების ურთიერთთანამშრომლობის გაღრმავებას. ამ შეთანხმებას ხელი მოაწერეს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ და ინტელექტუალური საკუთრების ეროვნული ცენტრის თავმჯდომარემ, სოსო გიორგაძემ.

მემორანდუმის ძირითადი მიზანია მხარეებს შორის თანამშრომლობის გაძლიერება და საერთო ინტერესებიდან გამომდინარე, ერთობლივი ღონისძიებების ფარგლებში ცოდნისა და გამოცდილების გაზიარება. ეს ხელს შეუწყობს ინტელექტუალური საკუთრების დაცვას, ცნობიერების ამაღლებას და საქსტატის პროდუქტების/სერვისების შესახებ ცნობადობის ამაღლებას.

გოგიტა თოდრაძის განცხადებით, მემორანდუმი უზრუნველყოფს მხარეებს შორის მჭიდრო თანამშრომლობას, რომელიც მოიცავს ერთობლივ აქტივობებს, კონფერენციებსა და სემინარებში მონაწილეობას, რათა გაიზარდოს ინფორმირებულობა და გავრცელდეს ცოდნა ფართო საზოგადოებაში.

სოსო გიორგაძემ აღნიშნა, რომ ერთობლივი ღონისძიებების დაგეგმვა მნიშვნელოვანია საქსტატის პროდუქტებისა და სერვისების, აგრეთვე ინტელექტუალური საკუთრების სფეროში საზოგადოებრივი ცნობიერების ამაღლებისთვის. აქტივობების დაგეგმვა და განხორციელება მოიცავს შეხვედრებს, კონსულტაციებსა და სხვა ფორმატის ღონისძიებებს, რაც უზრუნველყოფს ეფექტური ინფორმაციის გაცვლას.

მემორანდუმის თანახმად, მხარეთა მიერ ნაკისრი ვალდებულების შესრულების პროცესის ეფექტიანობის უზრუნველსაყოფად გათვალისწინებულია სამუშაო შეხვედრების ორგანიზება და საკონტაქტო პირების გამოყოფა. ასევე, საჭიროების შესაბამისად, ცალკეული შეთანხმებების გაფორმება.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები