კულტურის კომიტეტში საავტორო და მომიჯნავე უფლებების კუთხით არსებული გამოწვევებისა და მათი დაძლევის გზების შესახებ იმსჯელეს

პარლამენტში კულტურის კომიტეტის, საქართველოს ინტელექტუალური საკუთრების ეროვნული ცენტრის - საქპატენტის, USAID საქართველოს და აშშ-ის ვაჭრობის დეპარტამენტის კომერციული სამართლის განვითარების პროგრამის (CLDP) ერთობლივი საჯარო-კერძო დიალოგი გაიმართა.

დიალოგის ფორმატში საქართველოში საავტორო და მომიჯნავე უფლებების კოლექტიური მართვის კუთხით არსებული გამოწვევებისა და მათი დაძლევის გზების შესახებ იმსჯელეს.

ღონისძიების მიზანი იყო, კულტურის კომიტეტის საავტორო და მომიჯნავე უფლებების საკითხებზე მომუშავე სამუშაო ჯგუფის ფარგლებში, დაინტერესებული მხარეების ფართო სპექტრის ჩართულობით, საავტორო და მომიჯნავე უფლებების შესახებ საქართველოს კანონში ცვლილების პერსპექტივების განსაზღვრა, რათა კოლექტიურ საფუძველზე ინტელექტუალური საკუთრების უფლებების მართვა საქართველოში და შესაბამისი კანონმდებლობის რედაქცია საუკეთესო საერთაშორისო პრაქტიკასა და ბაზრის გამოწვევებთან თავსებადი გახდეს, უზრუნველყოს უფლების მფლობელებისთვის უფრო ხელსაყრელი ბიზნეს გარემო და ხელი შეუწყოს კრეატიული ინდუსტრიების განვითარებას.

ღონისძიებაზე USAID-ის ეკონომიკური მმართველობის პროგრამის ფარგლებში, USAID-ის ეკონომიკური უსაფრთხოების პროგრამასთან თანამშრომლობით განხორციელებული რაოდენობრივი და თვისებრივი კვლევის შედეგების „შემოქმედებითი ინდუსტრიების შეფასება საქართველოში ინტელექტუალური საკუთრების უფლებების კოლექტიური მართვის შესახებ“პრეზენტაცია გაიმართა.

მხარეებმა განიხილეს, ასევე, საქართველოში საავტორო და მომიჯნავე უფლებების კოლექტიური მართვის სისტემის გაუმჯობესებისთვის, CLDP-ის მიერ შემუშავებული რეკომენდაციები.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები