დაუსწრებელი გადაწყვეტილების გამოტანის საფუძვლები

ერთი მხარის მიერ სასამართლოში სარჩელის წარდგენის შემდგომ მოპასუხე მხარეს ბარდება სასამართლო უწყება მოდავე მხარის სარჩელთან ერთად, რის შემდეგაც მოპასუხეს ენიჭება საპროცესო უფლება-მოვალეობები, საკუთარი ინტერესების დაცვის მიზნით.

სასამართლოს შესაბამისი გარემოებების არსებობისას დაუსწრებელი გადაწყვეტილება გამოაქვს ორ შემთხვევაში: მხარის სხდომაზე გამოუცხადებლობის ან შესაგებლის წარუდგენლობის გამო.

აღნიშნული საპროცესო უფლება-მოვალეობების განუხორციელებლობის შემთხვევაში საქართველოს კანონმდებლობა ითვალისწინებს დაუსწრებელი გადაწყვეტილების ინსტიტუტს, ანუ თქვენი საპროცესო მონაწილეობის გარეშე თქვენს წინააღმდეგ მიმართული სარჩელის დაკმაყოფილების წესს, რომელიც მიზნად ისახავს სასამართლოს ეფექტიანი საქმიანობის უზრუნველყოფას, დავების სწორად და გაჭიანურების გარეშე გადაწყვეტას. დაუსწრებელი გადაწყვეტილება იურიდიული ბუნებით წარმოადგენს სანქციას იმ მხარისთვის, რომელიც არ ცხადდება საქმის განხილვაზე, არ ახორციელებს საპროცესო უფლებებს, რითაც ქმნის დასაბუთებულ ვარაუდს, რომ მან დაკარგა ინტერესი შეეწინააღმდეგოს მის მიმართ აღძრულ სარჩელს.

სასამართლო სხდომაზე მოსარჩელის გამოუცხადებლობის შემთხვევაში უპირველეს ყოვლისა დგინდება მოპასუხეს ჩაბარდა თუ არა კანონის მოთხოვნათა დაცვით სასამართლო უწყება სხდომაზე დაბარების თაობაზე. ამის გარკვევის შემდგომ კი დგინდება მხარეს ხომ არ გააჩნდა სხდომაზე გამოუცხადებლობისთვის საპატიო მიზეზი. საპატიო მიზეზად შეიძლება ჩაითვალოს მხარის ავადმყოფობა, ახლო ნათესავის გარდაცვალება, ფორს-მაჟორი ან სხვა ობიექტური გარემოება, რომელიც შეუძლებელს ხდის სასამართლო პროცესზე გამოუცხადებლობას.მოსარჩელის გამოუცხადებლობის შემთხვევაში აუცილებელია, რომ მოპასუხე მხარემ იშუამდგომლოს სასამართლოსთან და მოითხოვოს დაუსწრებელი გადაწყვეტილების გამოტანა მის სასარგებლოდ. ხოლო თუ მოპასუხე შუამდგომლობას არ წარადგენს, სასამართლო საქმეს დატოვებს განუხილველად. მოპასუხე მხარის ინტერესი შესაძლოა არ იყოს საქმის განუხილველად დატოვება ან დაუსწრებელი გადაწყვეტილების გამოტანა, ასეთ დროს სასამართლო უფლებამოსილია, გადადოს საქმის განხილვა გონივრული ვადით.

მოპასუხე მხარის სხდომაზე გამოუცხადებლობისას, მოსარჩელე მხარის გამოუცხადებლობის მსგავსად, პირველ რიგში, დგინდება სასამართლო უწყების ჩაბარების საკითხი. აღნიშნულ შემთხვევაშიც საჭიროა მოსარჩელე მხარის შუამდგომლობა სასამართლოსთან, რომ გამოიტანოს დაუსწრებელი გადაწყვეტილება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.