სამეზობლო დავები

ყოფით ცხოვრებაში ხშირია მეზობლებს შორის გარკვეული სახის უკმაყოფილებები, როდესაც მათგან გარკვეული სახის ხელშეშლას აქვს ადგილი. ასეთ დროს საინტერესოა რისი მოთხოვნის უფლება გააჩნია მეზობელს. ამგვარი ემისიები საქართველოს სამოქალაქო კოდექსშია თავმოყრილი.

მეზობლის ცნებაში არ მოიაზრება მხოლოდ მომიჯნავე მიწის ნაკვეთები ან სხვა უძრავი ქონება. მეზობლად მიიჩნევა ნებისმიერი ის უძრავი ქონება,საიდანაც ურთიერთზემოქმედება გამომდინარეობს.მაგალითად:დაუშვებელია წყლის ჩაშვება საცხოვრებელი ბინიდან ქვემოთ,მიუხედევად იმისა,რომ თქვენს ქვემოთ მცხოვრებ მეზობელს წყალი არ ჩასდის და ის კიდევ უფრო ქვემოთ მყოფ მეზობელს ჩაუდის მილების საშუალებით.

სამეზობლო ემისია არის ის მოქმედება ,რომელიც ერთი მიწის ნაკვეთიდან მეორე მიწის ნაკვეთზე შეიძლება გავრცელდეს, რომლითაც გარკვეული სახის დისკომფორტი წარმოიქმნება მეზობლებს შორის. ასეთი მოქმედებები იყოფა არსებითი ან არაარსებითი ხასიათის ზემოქმდებეად. არაარსებითი ხასიათის ემისიის გავრცელება გამორიცხავს მესაკუთრის უფლებას მოსთხოვოს გამავრცელებელს ასეთი ზემოქმედების შეწყვეტა, რომელიც მას გარკვეულწილად ხელს უშლის. ხოლო არსებითის შემთხვევაში უნდა დადგინდეს ექვემდებარება თუ არა სამეზობლო ურთიერთობიდან გამომდინარე თმენის ვალდებულებას და შეუძლია თუ არა კომპენსაციის მიღება.

ემისიების მიეკუთვნება: გაზის სუნი, ორთქლი ,ჭვარტლი, ხმაური, კვამლი, სითბო,რყევები ან სხვა მსგავსი მოვლენებით გამოწვეული ზემოქმედებანი.

სამეზობლო სამართალი ერთნაირად ვრცელდება როგორც ფიზიკურ, ისე იურიდიულ პირებზე. ეკონომიკური საქმიანობის სუბიექტის მიერ სამეწარმეო საქმიანობის განხორციელებისას უნდა იქნეს დაცული მეზობელთა ურთიერთპატივისცემისა და სამეზობლო ზემოქმედებათა თმენის მოვალეობა.მეზობლებს შეუძლიათ მეპატრონეს მოსთხოვონ ისეთი ხმაურის გაკონტროლება,რომლის დასაშვებ ნორმებში მოქცევაც შესაძლებელია.

კომპენსაციის გადახდა აუცილებელია იმ შემთხვევებში ,როცა ზემოქმედება აღემატება ასეთი ადგილისთვის ჩვეულებად მიჩნეულ სარგებლობასა და ეკონომიკურად დასაშვებ ფარგლებს. მეზობლის თმენის ვალდებულება უნდა კომპენსირდეს გარკვეული ფულადი თანხით. ის უნდა განისაზღვროს მიწის ნაკვეთის ემისიების ზემოქმედებით გამოწვეული ფაქტობრივი მდგომარეობისა და ემისიების გარეშე ჰიპოთეტური გამოყენების ღირებულებების შედარების შედეგად.

სასამართლო პრაქტიკაში სადავოა ესთეტიკური და ზნეობრივი ხასიათის ზემოქმედების საკითხი.თუ ზემოქმედების რომელიმე სახე არაა განსაზღვრული ,ზემოქმედების ადგილას მიღებული მდგომარეობის გათვალისწინებით უნდა დადგინდეს ჩაითვალოს თუ არა ზემოქმედება დაშვებულ ზემოქმედებად. მხედველობაში უნდა იქნეს მიღებული სუბიექტური ფაქტორებიც.ზემოქმედების დასაშვებობა განსხვავებულია სხვადასხვა ადგილთან მიმართებაში. მაგ: მიწის ნაკვეთი ქალაქშია თუ ქალაქის გარეთ, ან სამრეწველო რაიონთან გვაქვს საქმე თუ საცხოვრებელ უბანთან.

იმ მეზობლებს, რომელთა ნაკვეთზედაც გადის აუცილებელი გზა ან გაყვანილობა, უნდა მიეცეთ შესაბამისი კომპენსაცია, რომელიც, მხარეთა შეთანხმებით, შეიძლება ერთჯერადი გადახდით გამოიხატოს. აუცილებელი გზის ან გაყვანილობის თმენის ვალდებულება არ წარმოიშობა, თუკი მიწის ნაკვეთის უკვე არსებული დაკავშირება გაუქმდა მესაკუთრის თვითნებური მოქმედებით.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.