რას ითვალისწინებს ნასყიდობა გამოსყიდვის უფლება

ნასყიდობის ხელშეკრულება არის ყველაზე გავრცელებული სამართლებრივი ურთიერთობა, რომლითაც გამყიდველი გადასცემს ქონებაზე საკუთრების უფლებას, ხოლო მყიდველი იხდის შეთანხმებულ ფასს. მხარეებს უფლება აქვთ შეთანხმდნენ გამოსყიდვის უფლებაზეც.

გამოსყიდვის უფლების არსებობის შემთხვევაში, გამყიდველი უკან დაიბრუნებს ქონებაზე საკუთრებას, ხოლო მყიდველი აბრუნებს მიღებულ თანხას. ეს არის გამყიდველის უფლება, რომელიც მოქმედებს მხოლოდ იმ შემთხვევაში, თუ ხელშეკრულებაში ამაზე პირდაპირი შეთანხმება არსებობს. გამოსყიდვის უფლებით ხელშეკრულება შესაძლებელია დადებული იყოს მაქსიმუმ 10 წლის განმავლობაში. გამყიდველი გამოისყიდის თავის გაყიდულ ქონებას თავდაპირველი ფასით .

თუ გამოსყიდვის მომენტამდე მყიდველმა ქონება დააზიანა, შეცვალა ან იმგვარი ზემოქმედება იქონია, რომ შემცირდა მისი საბაზრო ღირებულება, მას ასეთი ზიანის ანაზღაურების ვალდებულება აქვს. აგრეთვე, მყიდველმა თუ გასხვისა გამოსყიდვის უფლების განხორციელებამდე ნივთი, ასეთი გასხვისება ბათილია.

უნდა გავითვალისწინოთ ისიც, რომ იპოთეკის ხელშეკრულებისგან განსხვავებით, გამოსყიდვის უფლებით ნასყიდობის ხელშეკრულების დროს, თუ პირი არ გადაიხდის გამოსასყიდ თანხას, მას არ წარმოეშვება რაიმე პრეტენზია საგანთან დაკავშირებით, შესაბამისად, იგი ვერ მოითხოვს თანხის გადაუხდელობის შემთხვევაში ხელშეკრულების საგნის რეალიზაციას და კრედიტორის მოთხოვნის დაფარვის შემდეგ, დარჩენილი თანხის მისთვის გადაცემას, რასაც ითვალისწინებს იპოთეკის ხელშეკრულება. შესაბამისად, ნასყიდობის საგნის რეალური მესაკუთრე კარგავს, როგორც საკუთრების უფლებას საგანზე, აგრეთვე ნივთის რეალიზაციიდან ნარჩენი თანხის მოთხოვნის უფლებასაც, რადგან ახალი მესაკუთრე გამოსყიდვისთვის გათვალისწინებული ვადის გასვლის შემდგომ ხდება ნივთის სრულუფლებიანი მესაკუთრე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.