რას ნიშნავს ნასყიდობა გამოსყიდვის უფლებით ?

რას ნიშნავს ნასყიდობა გამოსყიდვის უფლებით ?

ნასყიდობის ხელშეკრულებით გამყიდველი მოვალეა გადასცეს მყიდველს საკუთრების უფლება ქონებაზე, მასთან დაკავშირებული საბუთები და მიაწოდოს საქონელი, ხოლო გამოსყიდვისას ვალდებულია, მხარეთა მიერ დადგენილი პირობების თანახმად, შეასრულოს ხელშეკრულებიდან გამომდინარე ვალდებულებები ქონების დაბრუნების მიზნით.

ქონების გამოსყიდვა ხდება მხარეთა შორის არსებული თავდაპირველი ფასით. ამასთან, მყიდველს უფლება აქვს მოითხოვოს ის თანხაც, რომლითაც გაიზარდა საქონლის ღირებულება გამოსყიდვის მომენტამდე სასარგებლო დანახარჯების შედეგად, ხოლო გამომსყიდველს შეუძლია მოითხოვოს იმ თანხის გამოკლება, რომლითაც შემცირდა საქონლის ღირებულება მის გამოსყიდვამდე.

თუ მყიდველმა გამოსყიდვის უფლების განხორციელებამდე ნაყიდი ნივთი გააფუჭა (დააზიანა) ან შეცვალა, მან აუცილებლად უნდა აანაზღაუროს ამით გამოწვეული ზიანი.

გახსოვდეთ გამოსყიდვის ვადა არ შეიძლება აღემატებოდეს ათ წელს. ამ ვადის გაგრძელება ყოვლად დაუშვებელია.

თუ გამყიდველმა დაარღვია ნასყიდობის ხელშეკრულებით გათვალისწინებული უფლებები და არ/ვერ გადაიხადა ქონების გამოსყიდვის მიზნით შეთანხმებული თანხა, მყიდველს უფლება აქვს თავის საკუთრებაში მოაქციოს აღნიშნული ქონება ( აუცილებელია მხარეთა შორის გამყიდველსა და მყიდველს შეთანხმებული და ხელშეკრულებაში განსაზღვრული იყოს აღნიშნული პირობა ).

იურიდიული დახმარებისთვის დაგვიკავშირდით:
https://www.iuristi.com
(viber; whatsapp +995 ) 599 50 55 78
დ.გურამიშვილის 23 ა(მეტრო ღრმაღელე)
ალ.ყაზბეგის 47 (მეტრო დელისი)