რა შემთხვევებში ჩერდება ხანდაზმულობის ვადა

ხანდაზმულობა არის  პერიოდი , რომლის განმავლობაში პირს უფლება აქვს მოითხოვოს სხვა პირისაგან რაიმე მოქმედების შესრულება ან მოქმედებისაგან თავის შეკავება. ხანდაზმულობის ვადა ძირითადად უწყვეტად მიმდინარეობს , მაგრამ რეალურად არის კანონით გათვალისწინებული ისეთი გარემოებები, რომლებიც აბრკოლებებნ ანდა ართულებენ დადგენილ ვადაში წარადგინოს პირმა სარჩელი თავისი დარღვეული უფლების აღსადგენად თუ დარღვევის აღსაკვეთად. ასეთი გარემოებების არსებობის დროს , სასარჩელო ხანდაზმულობის ვადა ითვლება შეჩერებულად. ხანდაზმულობის ვადის შეჩერების არსი ის არის , რომ დრო , რომლის განმავლობაშიც მოქმედებს ის გარემოებები , რომლებიც იწვევენ ხანდაზმულობის ვადის შეჩერებას და რომლებიც აბრკოლებენ დარღვეული უფლების დაცვას , არ ჩაითვლება კანონით დადგენილ ხანდაზმულობის ვადაში.

საქართველოს სამოქალაქო კოდექსის 132-ე მუხლის თანახმად , ხანდაზმულობის ვადის დენის შეჩერებას იწვევს შემდეგი გარემოებები:

1) ვალდებულების შესრულების გადავადება აღმასრულებელი ხელისუფლების მიერ , ანუ ე.წ. მორატორიუმი.

2) განასკუთრებული და მოცემულ პირობებში აუცდენელი დაუძლეველი ძალა , რომელიც აბრკოლებს სარჩელის წარდგენას.

3) კრედიტორის ან მოვალის ყოფნა შეიარაღებული ძალების იმ ნაწილში , რომელიც გადაყვანილია საომარ მოქმედებაზე.

4) კანონით გათვალისწინებული სხვა შემთხვევები.

ხანდაზმულობის ვადა ჩერდება იმ შემთხვევაში , თუ მორატორიუმი, დაუძლეველი ძალა , არმიის რიგებში ყოფნა წარმოიშვა ან განაგრძობდა არსებობას ხანდაზმულობის ვადის უკანასკნელი ექვსი თვის ფარგლებში, ხოლო თუ ეს ვადა ექვს თვეზე ნაკლებია , -ხანდაზმულობის ვადის განმავლობაში.

ხანდაზმულობის ვადის დენა წყდება , თუ ვალდებული პირი უფლებამოსილი პირის წინაშე აღიარებს მოთხოვნის არსებობას ავანსის, პროცენტის გადახდით , გარანტიის მიცემით ან სხვაგვარად. ხანდაზმულობის ვადის დენა შეწყდება თუ უფლებამოსილი პირი შეიტანს სარჩელს მოთხოვნის დასაკმაყოფილებლად ან მის დასადგენად , ანდა შეეცდება დაიკმაყოფილოს მოთხოვნა სხვა საშუალებით.

სარჩელის შეტანის საფუძველზე ხანდაზმულობის ვადის დენის შეწყვეტა გრძელდება მანამ , სანამ საასმრთლოს მიერ გამოტანილი გადაწყვეტილება არ შევა კანონიერ ძალაში , ან პროცესი სხვაგვარად არ დასრულდება.

სარჩელის შეტანა ხანდაზმულობის ვადის დენის შეწყვეტას არ გამოიწვევს , თუ მოსარჩელე უარს იტყვის სარჩელზე, ან სასამართლოს კანონიერ ძალაში შესული განჩინებით სარჩელი დატოვებული იქნება განუხილველად. თუ ხანდაზმულოვის ვადის დენა შეწყდა , მაშინ შეწყვეტამდე განვლილი დრო მხედველობაში არ მიიღება და ვადა თავიდან დაიწყება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები