როდიდან აითვლება ხანდაზმულობის ვადა

ხანდაზმულობა არის ვადა, რომლის განმავლობაში, გამსესხებელს შეუძლია მოითხოვოს თავისი უფლების იძულებითი განხორციელება ან დაცვა, სასამართლოს ან სხვა უფლებამოსილი ორგანოსადმი მიმართვის გზით.

ხანდაზმულობის ვადის გასვლის შედეგად, მოვალე უფლებამოსილია უარი თქვას ვალდებულების შესრულებაზე. ხანდაზმულობის ვადის გასვლის დადგენისთვის საჭიროა დადგინდეს უპირველესყოვლისა ხანდაზმულობის დაწყების მომენტი.

ხანდაზმულობის ვადა იწყება, იმ დღიდან, როცა წარმოიშვა მოთხოვნის უფლება. თუ კანონით ან ხელშეკრულებით პირდაპირ არ არის მოთხოვნის უფლების წარმოშობის მომენტი დაფიქსირებული, მოთხოვნის უფლება წარმოიშობა იმ დღიდან, როცა პირმა შეიტყო ან უნდა შეეტყო უფლების დარღვევის შესახებ.

მაგ: თუ სესხის ხელშეკრულების მიხედვით გიორგი ვალდებულია დაუბრუნოს ნიკას სესხი 2023 წლის 30 მარტის ჩათვლით, 2023 წლის 30 მარტიდან ნიკას-ს წარმოეშობა მოთხოვნის უფლება გიორგის მიმართ. ამავე მომენტიდან დაიწყება ხანდაზმულობის ვადის ათვლა.

სესხის ხელშეკრულებიდან გამომდინარე მოთხოვნების ხანდაზმულობის ვადა- სამი წელია, რომელიც აითვლება, იმ თარიღიდან, როდესაც ვალდებულება უნდა შესრულებულიყო.

ხანდაზმულობის ვადის გასვლა სპობს უფლების იძულებითი განხორციელების შესაძლებლობას, კერძოდ ხანდაზმულობის ვადის გასვლის შემდეგ, მოთხოვნის უფლება ობიექტურად არსებობს, თუმცა, იგი განუხორციელებელია, ანუ ამ უფლების რეალიზება სრული მოცულობით დამოკიდებულია მოთხოვნის ადრესატის ნება-სურვილზე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.