რით განსხვავდება ნასყიდობის ხელშეკრულება სამისდღეშიო ხელშეკრულებისგან

 

სამისდღეშიო რჩენის ხელშეკრულების მხარე სარჩენის სახით მხოლოდ ფიზიკური პირი შეიძლება იყოს,ხოლო ნასყიდობის ხელშეკრულების მხარეები - როგორც იურიდიული ისე ფიზიკური პირები. მყიდველს ნასყიდობის ხელშეკრულებით შეძენილ ქონებაზე საკუთრების უფლება წარმოეშობა და შეუძლია იგი თავისუფლად განკარგოს, მაშინ როდესაც მარჩენალს, მართალია, სარჩენის ქონებაზე, რომელიც მას სამისდღეშიო რჩენის ხელშეკრულებით გადაეცემა, წარმოეშობა საკუთრების უფლება, მაგრამ გარკვეული შეზღუდვებით, რამეთუ სარჩენის სიცოცხლეში მას უფლება არა აქვს გაასხვისოს, დააგირავოს ან სხვაგვარად დატვირთოს გადაცემული ქონება სარჩენის წერილობითი თანხმობის გარეშე.

სამისდღეშიო რჩენის ხელშეკრულების ერთ-ერთი თავისებურება აგრეთვე იმაში მდგომარეობს, რომ მართალია, იგი არის სასყიდლიანი და მომავალში შემხვედრი ანაზღაურების გადახდის გზით მარჩენალის საკუთრებაში სარჩენის ქონების გადასვლას ისახავს მიზნად, მაგრამ იგი არსებითად არ მოიცავს ისეთ პირობას, როგორიცაა ფასი და ნასყიდობის ხელშეკრულებისაგან განსხვავებით, გადასაცემ მატერიალურ სიკეთეთა ეკვივალენტურობით არ ხასიათდება.

სარჩოს ოდენობა, რომელიც სარჩენმა მარჩენალისაგან მიიღო, შეიძლება მარჩენალისათვის გადასაცემი ქონების ღირებულების უმნიშვნელო ნაწილს შეადგენდეს, ხოლო ზოგ შემთხვევაში კი შეიძლება ამ ქონების ღირებულებას მნიშვნელოვნად გადააჭარბოს კიდეც. სამისდღეშიო რჩენისას, ნასყიდობის ხელშეკრულებისაგან განსხვავებით, რომლის ერთ-ერთი არსებითი პირობაც არის გასაყიდი ნივთის ფასი და იგი ხელშეკრულების დადებისას წინასწარაა განსაზღვრული, შემხვედრი ანაზღაურების ოდენობა წინასწარ არაა ცნობილი. 

მარჩენალმა შეიძლება სარჩენის სასარგებლოდ არაქონებრივი ხასიათის მოქმედებებიც განახორციელოს, რაც ნასყიდობის ხელშეკრულებას არ ახასიათებს. ნასყიდობის ხელშეკრულებისაგან განსხვავებით, სამისდღეშიო რჩენის ხელშეკრულებიდან გამომდინარე რჩენის მოვალეობა  ხანგრძლივ ხასიათს ატარებს, იგი შეიძლება წლობითაც კი გაგრძელდეს. ამიტომაც ამ ხელშეკრულების ძირითადი შინაარსი არა ქონების გადაცემასთან დაკავშირებით წარმოშობილი უფლება-მოვალეობებით, არამედ სარჩოს გადახდასთან დაკავშირებით წარმოშობილი უფლება-მოვალეობებით განისაზღვრება. აქედან გამომდინარეობს სწორედ სამისდღეშიო რჩენის ხელშეკრულების სხვა თავისებურებებიც, როგორიცაა მხარეთა ურთიერთობების მოწესრიგება მომავალში გარემოებების შეცვლასთან დაკავშირებით. 

ამიტომ, კანონმდებელი ითვალისწინებს ამგვარი სახელშეკრულებო ურთიერთობის გაუქმების გართულებულ წესს, რაც განპირობებულია,  იმ სამართლებრივი შედეგით, რაც თან ახლავს სამისდღეშიო რჩენის ხელშეკრულების გაუქმებას. ხელშეკრულების გაუქმება წარმოშობს სარჩენის უფლებას, მოითხოვოს გადაცემული ქონების უკან დაბრუნება, რასაც არეგულირებს საქართველოს სამოქალაქო კანონი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები