ტურისტული ხელშეკრულების გაფორმება

უცხოეთში დასვენების მსურველებს დააინტერესებთ ტურისტული ხელშეკრულების სამართლებრივი მხარეები.

ტურისტული ხელშეკრულება შეიძლება დაიდოს, როგორც ზეპირად ისე წერილობით. თუმცა ურთიერთობის სპეციფიკიდან გამომდინარე, უპრიანია, რომ ხელშეკრულება დაიდოს წერილობითად, რადგან წინააღმდეგ შემთხვევაში წარმოშობილი დავის გადაწყვეტა სირთულეებთან იქნება დაკავშირებული.

ტურისტული საწარმო მოვალეა ხელშეკრულებით გათვალისწინებული პაკეტის შესაბამისად მოაწყოს ტურისტული მოგზაურობა, ხოლო ტურისტი მოვალეა დათქმულ ვადაში გადაუხადოს მას საზღაური. ტურისტული პაკეტი შეიძლება შედგებოდეს ორი ან მეტი კომპონენტისაგან (მაგ: კვება, ღამის თევა, ტრანსპორტი და ა.შ.)

მოგზაურობის მომწყობს ეკრძალება ნებისმიერი სახის მცდარი ინფორმაციის მიწოდება მოგზაურისათვის. ამ ვალდებულების დარღვევის შემთხვევაში მას დაეკისრება ამით გამოწვეული ზიანის ანაზღაურება.

მოგზაურობის მომწყობი ვალდებულია უზრუნველყოს ხელშეკრულებით გათვალისწინებული მოგზაურობა ყოველგვარი ხარვეზის გარეშე.

თუ მოგზაურობის მომწყობი ვერ უზრუნველყოფს მოგზაურობას ხელშეკრულებით გათვალისწინებული პირობების შესაბამისად, მოგზაურს უფლება აქვს მოითხოვოს ხარვეზების დაუყონებლივ გამოსწორება, თუმცა თუ აღნიშნული ხარვეზების გამოსწორება საკმაოდ დიდ დანახარჯებთან იქნება დაკავშირებული, მაშინ მოგზაურობის მომწყობი უფლებამოსილია უარი თქვას ხარვეზის გამოსწორებაზე, მაგრამ მან უნდა აანაზღაუროს ის ზიანი, რაც დადგება ამ ხარვეზის გამოუსწორებლობით.

ხშირად მოტყუებული ტურისტები დამატებითი ხარჯებით თვითონ იქმნიან იმ პირობებს, რაც ტურისტულ სააგენტოს უნდა შეექმნა, ზოგჯერ ტურისტული სააგენო მათ პირდება მოქმედებას, მაგრამ ამასობაში იწურება მოგზაურობის პერიოდი. ასეთ ვითარებაში ტურისტს შეუძლია ბოლო თვითონ აღმოფხვრას მოგზაურობის ხარჯები, შემდეგ კი მოითხოვოს გაწეული აუცილებელი ხარჯების ანაზღაურება.

ტურისტი უფლებამოსილია შეწყვიტოს ხელშეკრულება, თუ მოგზაურობის მომწყობი ვერ შეძლებს ტურისტისათვის ისეთ მომსახურების გაწევას, რომელიც შეესაბამება მოგზაურობის მიზნებს და ამის გამო ტურისტს მიადგება მნიშვნელოვანი ზიანი.

როცა მოგზაურობის მომწყობი ჯეროვნად ასრულებს თავის ვალდებულებებს, მაგრამ მისგან დამოუკიდებელი მიზეზების გამო. მაგ: ავიაკომპანიის/რკინიგზის გაფიცვა, ამინდის გაფუჭება და ა.შ., შეუძლებელი ხდება მოგზაურობის განხორციელება ჯეროვნად, ტურისტს შეუძლია მხოლოდ ხელშეკრულების შეწყვეტისა ან ფასის შემცირების მოთხოვნა. ხოლო, თუ მოგზაურობის ხარვეზი გამოწვეულია მოგზაურობის მომწყობის ბრალით, მაშინ მოგზაური უფლებამოსილია ზიანის ანაზღაურებაც მოითხოვოს.

თუ ხელშეკრულების გაფორმებისას ტურისტმა გადაიხადა მოგზაურობის საზღაური და შემდეგ განაცხადა უარი ხელშეკრულებაზე, მას ეს თანხა დაუბრუნდება, მაგრამ თუ საზღაურის გადახდამდე განაცხადა უარი, ტურისტულ ფირმას შეუძლია მოითხოვოს მხოლოდ ის თანხა, რა მოგებასაც მიიღებდა აღნიშნული მოგზაურობის მოწყობიდან. ტურისტული მომსახურების ხელშეკრულებაში მხარეები არ შეიძლება შეთანხმდნენ ისეთ პირობებზე, რომელიც საზიანოა მოგზაურობისთვის. ასეთი შეთანხმება დგინდება სასამართლოს მიერ ყოველ კონკრეტულ შემთხვევაში და ბათილია.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში.