განგრძობადი დანაშაული

განგრძობადი დანაშაული

არის → ერთიანი დანაშაულის ერთ-ერთი სახე. განგრძობადი დანაშაული, როგორც ერთიანი დანაშაულის რეალიზაციის განსაკუთრებული ფორმა, წარმოადგენს სისხლის სამართლის კერძო ნაწილის ერთი მუხლით ან მუხლის ნაწილით გათვალისწინებულ დანაშაულს, რომელიც მოიცავს ერთიანი მიზნითა და საერთო განზრახვით ჩადენილ ორ ან მეტ ქმედებას. აღნიშნულ ქმედებათა შორის უნდა იყოს დროის გარკვეული შუალედი, მაგრამ, მათ შორის არ უნდა იყოს დროის ისეთი ხანგრძლივი შუალედები, რომ ძნელი იყოს ნამოქმედარის ერთიან დანაშაულად განხილვა (მაგალითად, მაღაზიის მოლარემ, რომელმაც განიზრახა სალაროდან 1000 ლარის მოპარვა, ერთი კვირის მანძილზე ნაწილ-ნაწილ დაეუფლა აღნიშნულ ქონებას).

განგრძობადი დანაშაული დამთავრებულია მაშინ, როცა განხორციელდება მისი შემადგენელი უკანასკნელი აქტი (სისხლის სამართლის კოდექსის 14-ე მუხლი). ამრიგად, თუ შეიცვალა განგრძობადი დანაშაულის განხორციელებისას შესაბამისი სისხლის სამართლის კანონი, მაშინ გამოიყენება ის კანონი, რომელიც მოქმედებდა მისი შემადგენელი უკანასკნელი აქტის ჩადენისას. განგრძობადი დანაშაულისათვის სისხლის სამართლის პასუხისგებაში მიცემის ხანდაზმულობის ვადის დინება იწყება უკანასკნელი ქმედების ჩადენის დღიდან.

განგრძობადი დანაშაული დამთავრებულია უკანასკნელი ქმედების ჩადენის მომენტიდან.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.