ნასყიდობის ხელშეკრულების საგანი და მხარეები

✔ ნასყიდობის ხელშეკრულებით გამყიდველი ვალდებულებას კისრულობს გადასცეს  მყიდველს უფლებრივად და ნივთობრივად უნაკლო ქონება საკუთრებაში, ხოლო მყიდველი ვალდებულია მიიღოს ეს ქონება და გადაიხადოს განსაზღვრული საფასური.

✔ ნასყიდობის ხელშეკრულების მხარეები შეიძლება იყვნენ ფიზიკური და იურიდიული პირები, აგრეთვე პირთა გაერთიანებებიც.

✔ ნასყიდობის ხელშეკრულების საგანი შეიძლება გახდეს უძრავი ან მოძრავი ნივთი.

უძრავ ნივთებს მიეკუთვნება მიწის ნაკვეთი მასში არსებული წიაღისეულით, მიწაზე აღმოცენებული მცენარეები, ასევე შენობა-ნაგებობანი, რომლებიც მყარად დგას მიწაზე.

ყველა ნივთი რომელიც არ მიეკუთნება უძრავ ნივთს არის მოძრავი.

მოძრავი ნივთის გაყიდვასთან დაკავშირებული ხარჯები კერძოდ, აწონის, გაზომვისა და შეფუთვის ხარჯები, ეკისრება გამყიდველს, ხოლო ხელშეკრულების დადების ადგილიდან სხვა ადგილზე საქონლის მიღებისა და გადაგზავნის ხარჯებიმყიდველს, თუ ხელშეკრულებით სხვა რამ არ არის გათვალისწინებული.

უძრავი ნივთის გაყიდვისას ნასყიდობის ხელშეკრულების გაფორმების, საჯარო რეესტრში რეგისტრაციისა და ამისათვის აუცილებელი საბუთების წარდგენის ხარჯები, თუ მხარეთა შეთანხმების საფუძველზე ხელშეკრულებით სხვა რამ არ არის გათვალისწინებული ეკისრება გამყიდველს.

მოძრავი ნივთის შემთხევაში მის ფაქტობრივ მფლობელად ითვლება მისი მესაკუთრე, ხოლო უძრავი ნივთის მესაკუთრე დგინდება საჯარო რეესტრის ჩანაწერების მიხედვით.

✔ ნასყიდობის ხელშეკრულება შეიძლება დაიდოს როგორც ზეპირი, ასევე წერილობითი ფორმით. თუმცა სამოქალაქო კოდექსი ადგენს შემთხვევებს, როცა ნასყიდობის ხელშეკრულება უნდა დაიდოს წერილობითი ფორმით:

როცა ნასყიდობის საგანია უძრავი ქონება; 

როცა ნასყიდობა ეხება პირის მთელ ამჟამინდელ ქონებას ან მის ნაწილს;

როცა წერილობითი ფორმა დაადგინეს თვითონ მხარეებმა; 

როცა ნასყიდობა იდება განვადებით.

✔ თუ ნასყიდობის ხელშეკრულების საგანი, ქონება ნაკლის მქონეა (უფლებრივი ან ნივთობრივი ნიშნით) მყიდველს უფლება აქვს: 

ინდივიდუალურად განსაზღვრული ნივთის შემთხვევაში, მოსთხოვოს გამყიდველს ნაკლის გამოსწორება, ხოლო გვაროვნული ნივთის შემთხვევაში–ნაკლიანი ნივთის შეცვლა;

ნივთის ნაკლის გამოსწორების ან ახლით შეცვლის ნაცვლად, მოითხოვოს ფასის შემცირება იმ ოდენობით, რაც საჭიროა ნაკლის გამოსასწორებლად; 

მოითხოვოს ნასყიდობის ხელშეკრულებიდან გასვლა;

მოითხოვოს ზიანის ანაზღაურება.

✔ ნასყიდობის ხელშეკრულება შეიძლება დაიდოს გამოსყიდვის პირობით, რაც იმას ნიშნავს, რომ მხარეთა მიერ შეთანხმებულ ვადაში გამყიდველს შეუძლია საკუთარი ქონება უკან დაიბრუნოს. თუ ნასყიდობის ხელშეკრულება დაიდო გამოსყიდვის პირობით, მყიდველს ვადის გასვლამდე (მაქსიმუმ 10 წელი) ეკრძალება ქონების გასხვისება. გამოსყიდვა გამყიდველის უფლებაა და არა ვალდებულება ანუ ხელშეკრულება შეიძლება დაიდოს ამ პირობით, მაგრამ გამყიდველს შეუძლია გამოსყიდვის უფლება არ გამოიყენოს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები