რა არის დელიქტი და დელიქტური ვალდებულებები

დელიქტი იგივე სამართალდარღვევა, ფართო გაგებით - საზოგადოების წინააღმდეგ მიმართული, საზოგადოებისთვის ზიანის მომტანი ქმედება, რომელიც ისჯება კანონით.

სამართალდარღვევები შეიძლება იყოს სამოქალაქო (მაგ: ფიზიკური ან იურიდიული პირის ქონების დაზიანება), ადმინისტრაციული (მაგ: საგზაო მოძრაობის წესების დარღვევა) დისციპლინარული და ა.შ. სამართალდარღვევის ყველაზე საშიში ფორმაა დანაშაული. შესაბამისად სამართალდაღვევისთვის შეიძლება დაეკისროს სამოქალაქო, ადმინისტრაციული, დისციპლინარული ან სისხლის სამართლის პასუხისმგებლობა.

სამოქალაქო სამართალში - დარღვევა, რომელიც არაა დაკავშირებული ხელშეკრულების დარღვევასთან, არამედ ზიანის მიყენებასთან. ზიანის მიყენებაში იგულისხმება ქონებრივი ან არაქონებრივი ზიანი, ფიზიკური ტრავმა, ცილისწამება. აგრეთვე პირადი თავისუფლებების, საკუთრების უფლების და კომერციული ინტერესების შეზღუდვა. პირს, რომელმაც ჩაიდინა სამოქალაქო სამართალდარღვევა ეწოდება დელინკვენტი.

ზიანი შეიძლება წარმოიშვას, როგორც სახელშეკრულებო, ისე – არასახელშეკრულებო ურთიერთობიდან.

სახელშეკრულებო ურთიერთობებიდან წარმოშობილი ზიანი სახელშეკრულებო პირობების დარღვევის შედეგია, რომელიც დგება მხარეთა შეთანხმებით როგორც ზოგად, ისე, სპეციალურ ნორმათა მოთხოვნის საფუძველზე. ამრიგად, სახელშეკრულებო ზიანის დადგომამდე უკვე არსებობს მხარეთა შორის წინასწარ ჩამოყალიბებული სახელშეკრულებო ურთიერთობა.

რაც შეეხება არასახელშეკრულებო ზიანს – ეს არის არასახელშეკრულებო ურთიერთობიდან წარმოშობილი ზიანი, ანუ მხარეებს შორის წინასწარ შეთანხმებული სამართლებრივი ურთიერთობა(უფლებები, მოვალეობები) არ არსებობს. ამ შემთხვევაში ზიანი დგება იმ საკანონმდებლო ნორმების დარღვევით, რომელთა შესრულებით უზრუნველყოფილია პირთა ქონებრივი და არაქონებრივი ინტერესების (საკუთრების უფლება, პატივი, ღირსება, ჯამრთელობა და ა.შ.) დაცვა.

სამოქალაქო კოდექსის მიხედვით მოვალისათვის პასუხისმგებლობის დაკისრება (ზიანის ანაზღაურება) შესაძლებელია, თუ არსებობს შემდეგი სახის გარემოებები:

1) მოვალის მართლსაწინააღმდეგო ქმედება; 2)ზიანი; 3)მიზეზობრივი კავშირი მოვალის მართლსაწინააღმდეგო მოქმედებასა და ზიანს შორის; 4) მოვალის ბრალი;

ყველაზე ხშირად გავრცელებული დელიქტური ვალდებულების სახეებია: ავტოსაგზაო შემთხვევებით მიყენებული ზიანი, ჯამრთელობის დაზიანებით გამოწვეული ზიანი ,მშენებლობისას მეზობლის სახლისთვის მიყენებული ზიანი, შინაური ცხოველის მიერ მიყენებული ზიანი თუ პატრონს შეეძლო უსაფრთხო ნორმების დაცვა და სხვა.

ზიანის მიყენებად შეიძლება იგულისხმებოდეს ასევე არაქონებრივი მორალური ზიანი, მაგ. ფიზიკური ტრამვა, რაც ასევე შეიძლება დაექვემდებროს კომპენსირებას. როგორც წესი ზიანის ანაზღაურების დავებზე გადამწყვეტი მნიშვნელობა ენიჭება საექსპერტო დასკვნას, რომელიც განსაზღვრავს ზიანის ოდენობას.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.