თავდებობა-რა უნდა ვიცოდეთ

სესხის ხელშეკრულება წარმოადგენს ფარდობითი ურთიერთობის საფუძველს, რაც ნიშნავს იმას, რომ გამსესხებლის წინაშე, სესხის ხელშეკრულებიდან გამომდინარე ვალდებულება, ეკისრება მხოლოდ მსესხებელს. თავდებობის ხელშეკრუკრულების საფუძველზე გამსესხებელი უფლებამოსილია მსესხებლის გარდა, თავისი მოთხოვნა დაიკმაყოფილოს თავდებისგანაც, თუმცა თავდები არ იმყოფება მოვალის იდენტურ სამართლებრივი მდგომარეობაში, თავდებობის შესახებ რეგულაციები მკაცრად განსაზღვრავენ გამსესხებლის და თავდების უფლება-მოვალეობებს, რომლებიც განსხვავდება გამსესხებლის და მსესხებლის უფლება-მოვალეობებისგან

თავდებობის გარდა, სესხის ხელშეკრულებიდან გამომდინარე მოთხოვნა, შეიძლება უზრუნველყოფილი იყოს გირავნობით, იპოთეკით, მოვალის გარანტიით ან სხვა უზრუნველყოფის საშუალებებით.

თუ გამსესხებელი აღნიშნულ უზრუნველყოფის საშუალებებზე აცხადებს უარს, მაშინ თავდების პასუხისმგებლობა მცირდება იმ მოცულობით რა მოცულობაც გააჩნდა უართქმულ უზრუნველყოფის საშუალებას.

თავდებობის ხელშეკრულების ნამდვილობისათვის საჭიროა კანონით დადგენილი ფორმის დაცვა, კერძოდ თავდებობა უნდა დაიდოს წერილობითი სახით და მასში უნდა იყოს განსაზღვრული ის ზღვრული თანხა, რომლის ფარგლებშიც თავდები პასუხს აგებს სესხის ხელშეკრულებიდან გამომდინარე, მსესხებლის ვალდებულებისათვის.

თავდებობა ვრცელდება მხოლოდ იმ ძირითადი ხელშეკრულებიდან გამომდინარე ვალდებულებაზე, რომლის უზრუნველსაყოფადაც დაიდო იგი.

თავდები უფლებამოსილია იყოს საქმის კურსში, მოვალის მიერ სესხის ხელშეკრულებიდან გამომდინარე ვალდებულებების შესრულების შესახებ.

გამსესხებელი ვალდებულია თავდებს აცნობოს, თუ მსესხებელი ვალდებულების შესრულების ვადას გადააცილებს.

ასევე იგი ვალდებულია მოთხოვონისთანავე მიაწოდოს თავდებს ვალდებულების შესრულების შესახებ ინფორმაცია.

დროულმა შეტყობინებამ შესაძლებელია დადებითი გავლენა მოახდინოს თავდების მიერ სესხის ძირითადი ვალდებულების შესრულების პროცესზე, ხოლო გამსესხებლის მიერ ამ მოვალეობს შეუსრულებლობა თავდების პასუხისმგებლობის შემცირების საფუძველი შეიძლება გახდეს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.