მემკვიდრე,ანდერძი,უკანონოდ შობილის მემკვიდრეობა

კანონით მემკვიდრედ ითვლებიან ის პირები,როლებიც ცოცხლები არიან მამკვიდრებლის გარდაცვალების მომენტისთვის და მასთან დაკავშირებულნი არიან ნათესაური კავშირით. კანონით მემკვიდრეთა 5 რიგი არსებობს. ( 1.მეუღლე,შვილი,მშობლები 2.და,ძმა 3.ბებია-ბაბუა 4.დეიდა,მამიდა,ბიძა 5.ბიძაშვილები,მამიდაშვილები,დეიდაშვილები )

ანდერძით მემკვიდრე ნებისმიერი პირი შეიძლება იყოს,რომელიც ცოცხალი იყო მამკვიდრებლის გარდაცვალების მომენტში და მოხსენებული იქნა ანდერძში.

მემკვიდრეობა შეიძლება მიიღოთ ნოტარიუსთან ან ფაქტობრივი ფლობით.

ნოტარიუსთან მიმართვა განცხადებით უნდა მოხდეს 6 თვის ვადაში და ვადის გასვლის შემდეგ მოხდება სამკვიდრო მოწმობის აღება. თუ კანონით მემკვიდრემ უნდა წარადგინოს ნათესაური კავშირის დამადასტურებლი დოკუმენტი ,ანდერძით მემკვიდრემ კი უნდა წარადგინოს ანდერძი.

მემკივდრეს შეუძლია უარი განაცხადოს სამკვიდროს მიღებაზე,მამკვიდრებლის გარდაცვალებიდან 3 თვის ვადაში. თუ გარდაცვლილის ქონება ფაქტიური თვალსაზრისით ჩაიბარა მემკვიდრემ , ჩაითვლება რომ მემკვიდრეობა მიიღო.თუმცა დაუფლების მომენტი შეიძლება სადაო გახდეს.

თუ არსებობს რამდენიმე მემკვიდრე ,აქედან ერთმა მიმართა ნოტარიუსს ,მეორემ კი ფაქტობრივი ფლობა განახორციელა. ასეთ დროს ფაქტობრივ მფლობელს მოუწევს დაამტკიცოს ,რომ ქონება ნამდვილად მიიღო. მემკვიდრეს შეუძლია მიმართოს სასამართლოს და მოითხოვოს იურიდიული ფაქტის დადგენა.

სასამართლოში მოწმეებთან ერთად ფაქტობრივ მფლობელს შეუძლია წარადგინოს კომუნალური გადასახადების გადახდის დამადასტურებელი დოკუმენტები; თუ სამკვიდრო მიწაა ,შეუძლია წარადგინოს მიწის გადასახადის დამადასტურებელი დოკუმენტები;

შესაძლებელია არსებობდეს ანდერძი,რომელიც შეეხება ქონების გარკვეულ ნაწილს და დანარჩენი ნაწილი არ იყოს ანდერძში მოხსენებული. ამ დროს მოუხსენიებელ ნაწილზე მოქმედებს კანონით მემკვიდრეობა,ხოლო მოხსენიებულ ნაწილზე ანდერძით მემკვიდრეობით დადგენილი ფორმა.

ჩაითვლება თუ არა მემკვიდრედ უკანონოდ შობილი ბავშვი?

თუ ბავშვის მამობა კანონით დადგენილი წესით აღიარებულია, ის ჩაითვლება პირველი რიგის მემკვიდრედ და ისარგებლებს იგივე უფლებებით ,რითაც სხვა ამავე რიგის მემკვიდრეები.

ანდერძი შეიძლება იყოს შინაურული ,რომელსაც 2 მოწმე დაესწრება ,ან ნოტარიუსის მიერ შედგენილი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.