იტალიაში მცხოვრები ემიგრანტების საყურადღებოდ - უფასო სამედიცინო მომსახურება

იტალიის ტერიტორიაზე მცხოვრებ პირს, იქნება ეს იტალიის მოქალაქე, თუ უცხოელი, აქვს სამედიცინო მომსახურებით სარგებლობის უფლება, მაგრამ ხშირად, ინფორმაციის ნაკლებობის, თუ ენის ბარიერის გამო, ემიგრანტები ვერ იღებენ სრულყოფილ სამედიცინო დახმარებას. განსაკუთრებით არალეგალი ემიგრანტების შემთხვევაში ხდება მსგავსი ფაქტები. გარდა იმ სამედიცინო მომსახურებისა, რასაც იტალიის სახელმწიფო გთავაზობთ, ქვეყანაში არის არაერთი ორგანიზაცია, რომელიც სრულიად უფასოდ მოგემსახურებათ. სწორედ ერთ-ერთი ასეთია EMERGENCY, რომლის შესახებაც ინფორმაცია ნეაპოლში მცხოვრებმა ქართველმა თარჯიმანმა მაკა ხაჩოშვილმა მოგვაწოდა.

მაკა ხაჩოშვილი: ეს არის დამოუკიდებელი და ნეიტრალური იტალიური ასოციაცია, რომელიც დაარსდა 1994 წელს, რათა შესთავაზოს უფასო და მაღალი ხარისხის სამედიცინო-ქირურგიული მკურნალობა იტალიაში როგორც ლეგალურად, ასევე არალეგალურად მცხოვრებ ემიგრანტებს. EMERGENCY ხელს უწყობს მშვიდობის, სოლიდარობისა და ადამიანის უფლებების დაცვას. აქვე აღვნიშნავ, რომ იმ არალეგალ ემიგრანტებს, რომელთაც STP არ აქვთ, EMERGENCY-ში ადგილზე გაუკეთებენ ამ საბუთს, ამიტომ ნუ შეფერხდებიან. ნეაპოლში კლინიკა მდებარეობს პონტიჩელის ზონაში. პაციენტის კლინიკაში ტრანსპორტირებას უფასოდ უზრუნველყოფს "ემერჯენსის" კლინიკა შემდეგ სამარშუტო გაჩერებაზე: Via Firenze n. 65 სადგურის piazza Garibaldi მიმდებარე ტერიტორიაზე. ტრანსპორტირების განრიგი: 09:30, 12:40, 14:30.

წყარო: https://exclusivetv.ge/

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები