რა უნდა ვიცოდეთ განქორწინების შესახებ

რა უნდა ვიცოდეთ განქორწინების შესახებ : განქორწინება არის ქორწინების შეწყვეტის ერთ-ერთი საფუძველი.

დაიმახსოვრეთ ცოლის ორსულობის დროს და ბავშვის დაბადებიდან ერთი წლის განმავლობაში- ქმარს უფლება არა აქვს ცოლის თანხმობის გარეშე აღძრას საქმე განქორწინებაზე არც სასამართლოს გზით.

განქორწინება ხდება 2 გზით:

სასამართლო წესით (სარჩელის წარდგენის გზით), თუ მეუღლეებს შორის არსებობს დავა

სამოქალაქო აქტების რეგისტრაციის ორგანოში (ერთობლივი განცხადებით).

სასამართლო უფლებამოსილია მიიღოს ზომები მეუღლეთა შესარიგებლად. მას უფლება აქვს გადადოს საქმის განხილვა და მეუღლეებს დაუნიშნოს ვადა შესარიგებლად, რომელიც არ უნდა აღემატებოდეს ექვს თვეს. ( თუმცა, მეუღლეს/მეუღლეებს შეუძლიათ წინასწარ დააფიქსირონ უარი ამ უფლების გამოყენებაზე).

სასამართლო განქორწინების შესახებ გადაწყვეტილების გამოტანისას, როცა აუცილებელია, იღებს ზომებს მცირეწლოვანი შვილებისა და შრომისუუნარო მეუღლის საუკეთესო ინტერესების დასაცავად.

როცა მეუღლენი არ არიან შეთანხმებული განქორწინების შემდეგ შვილების საცხოვრებელ ადგილსა და მათ სარჩენად გადასახდელ სახსრებზე, სასამართლო მოვალეა განქორწინებასთან ერთად განსაზღვროს ისიც, თუ რომელი შვილი რომელ მშობელთან დარჩეს და რომელ მშობელს.

რა ოდენობით უნდა გადახდეს სარჩო (ალიმენტი).

ამ შემთხვევაში, საჭიროებისამებრ, საქმეში მონაწილეობის მისაღებად ჩაბმულ უნდა იქნეს მეურვეობისა და მზრუნველობის ორგანო. მეუღლეების ან ერთ-ერთი მათგანის თხოვნით, სასამართლო ვალდებულია განქორწინების საქმის გადაწყვეტასთან ერთად განიხილოს იმ ქონების გაყოფის საკითხი, რომელიც წარმოადგენს მეუღლეთა თანასაკუთრებას.

თუ განქორწინების გამო ან სხვა მიზეზით მშობლები ცალ-ცალკე ცხოვრობენ, მათ შეთანხმებაზეა დამოკიდებული, თუ ვის ექნება უფლება, გადაწყვიტოს, ვისთან უნდა ცხოვრობდეს არასრულწლოვანი შვილი.

შეუთანხმებლობის შემთხვევაში დავას იმის თაობაზე, თუ ვისთან უნდა ცხოვრობდეს არასრულწლოვანი შვილი, წყვეტს სასამართლო ბავშვის ინტერესების გათვალისწინებით. ამ შემთხვევაში მშობლის უფლება, იყოს ბავშვის წარმომადგენელი სასამართლო დავასთან მიმართებით, შეჩერებულია. მეურვეობისა და მზრუნველობის ორგანო ნიშნავს ბავშვის წარმომადგენელს, რომელიც საქმის სასამართლოში განხილვის დროს ბავშვის საუკეთესო ინტერესებს წარმოადგენს.

იურიდიული დახმარებისთვის დაგვიკავშირდით:

https://www.iuristi.com