Vitto e alloggio

სიახლე / ქართველი ემიგრანტების ადვოკატი საქართველოში / ემიგრანტები იტალიაში / სიახლეები / ემიგრანტები იტალიაში / nana nakashidze

VITTO E ALLOGGIÒ – კვება და საცხოვრებელი, მომვლელის შრომითი კონტრაქტი იტალიის კანონმდებლობის მიხედვით

Vitto e alloggio ნიშნავს, რომ დამსაქმებელი უზრუნველყოფს დასაქმებულს საცხოვრებელითა და საკვებით. ეს ძირითადად ეხება ბინაში მცხოვრებ (convivente) დამლაგებლებს, მომვლელებს და ძიძებს.

რას მოიცავს Vitto e alloggio-ში?

Vitto (კვება):

სამუშაო საათებში სამჯერადი კვება (დილის, შუადღის და საღამოს).
უნდა ჰქონდეს წვდომა ძირითად საკვებ პროდუქტებზე, თუ სამუშაოს ნაწილი საჭმელის მომზადებაა.

Alloggio (საცხოვრებელი):

დასაქმებულს უნდა ჰქონდეს ცალკე ოთახი (განსაკუთრებული გამონაკლისების გარდა).
უნდა იყოს ცენტრალური გათბობა, წყალი, ელექტროენერგია და საჭირო კომუნალური სერვისები.
დასაქმებულს უნდა ჰქონდეს პირადი ნივთებისთვის ადგილი (მაგ., კარადა, თარო).
კეთილმოწყობილი გარემო, სადაც შეუძლია დაისვენოს და ღამე გაათენოს.

როგორ აისახება Vitto e alloggio ხელფასზე?

რადგან კვება და ცხოვრება დამსაქმებელის მიერ არის უზრუნველყოფილი, ეს ნაწილი ხელფასში “ჩათვლილია” და მისი ფულადი ღირებულება ოფიციალურად განსაზღვრულია იტალიის შრომითი ხელშეკრულების (CCNL) მიხედვით.

2025 წლის ახალი ტარიფები(INPS-ის მიხედვით):

Vitto (კვება) – €4,62

Alloggio(საცხოვრებელი) – €1,98

დღეში: - 6,60 დღეში

თვეში: - €171,70

რა ხდება იმ შემთხვევაში, თუკი დამსაქმებელი არ უზრუნველყოფს კვებას - Vitto?

თუ დამსაქმებელი არ უზრუნველყოფს საკვებს ან სრულფასოვან კვებას, მაშინ ეს თანხა უნდა დაემატოს ხელფასს. შესაბამისად, დასაქმებულს უნდა გადაუხადონ დამატებით €171,60 თვეში, რადგან დასაქმებული კვებაზე თავად ზრუნავს.

დამსაქმებელი ვალდებულია თუ არა დამსაქმებელი ზემოთაღნიშნული პირობები დაიცვას და რა მოხდება თუ არ დაიცავს Vitto e alloggio პირობებს :

დასაქმებულს შეუძლია ინსპექციაში (Ispettorato del Lavoro) ან INPS-ში ჩივილი.
ხელფასიდან უკანონო დაქვითვები აკრძალულია თუ დამსაქმებელი ხელფასს უკანონოდ ამცირებს, კანონის დარღვევაში ეხვევა.
სასამართლოს გზით შესაძლებელია კომპენსაციის მიღება (მათ შორის, არასათანადო კვების ხარჯების ანაზღაურება).

გაითვალისწინეთ! კანონით, ჩივილის საფუძველი შეიძლება იყოს კვების ან საცხოვრებელის არქონა ან არადამაკმაყოფილებელი პირობები.

რა ხდება იმ შემთხვევაში თუკი დასაქმებული არ ცხოვრობს(non conviventi) დამსაქმებელის სახლში?

თუ დასაქმებული მუშაობს და არ ცხოვრობს დამსაქმებელთან,(მუშაობს მხოლოდ დღის განმავლობაში), მაშინ Alloggio (საცხოვრებელი) არ ითვლება ხელფასის ნაწილად.

Vitto (კვება) კი აუცილებლად უნდა უზრუნველყოს დამსაქმებელმა სამუშაო საათებში, ან ამ თანხის ანაზღაურება უნდა მოხდეს ხელფასში.

მაგალითად: თუკი მომვლელი მუშაობს დილის 9:00-დან საღამოს 18:00-მდე, ოჯახმა უნდა უზრუნველყოს სამუშაოს განმავლობაში ერთი კვება, ან ხელფასში დაემატოს შესაბამისი თანხა.

Vitto e alloggio (კვებისა და საცხოვრებლის) თანხა აუცილებლად უნდა შედიოდეს:

შვებულების (ferie),
მეცამეტე ხელფასის (tredicesima)
დღესასწაულების (festività) ანაზღაურებაში.

თუ ეს თანხა არ იქნება გათვალისწინებული, დამსაქმებელმა უნდა დაუმატოს შესაბამისი თანხა მომვლელის ხელფასს, რათა შრომითი კონტრაქტით გათვალისწინებული პირობები სრულად იყოს დაცული.

აღსანიშნავია, რომ ეს თანხა არ შედის საბოლოო ანგარიშის(liquidazione, TFR) დაანგარიშების დროს.

სტატია ინფორმაციული ხასიათისაა და არ ცვლის კვალიფიციურ იურიდიულ კონსულტაციას.

კონსულტაციისთვის დაგვიკავშირდით