სახელის/გვარის შეცვლის რეგისტრაცია

ვის აქვს საქართველოში სახელისა ან/და გვარის შეცვლის უფლება?

საქართველოში სახელისა ან/და გვარის შეცვლის უფლება აქვს:

• საქართველოს მოქალაქეს;
• საქართველოში სტატუსის მქონე მოქალაქეობის არმქონე პირს, რომლის დაბადება რეგისტრირებულია საქართველოში (გარდა დაბადების ხელახალი რეგისტრაციისა);

გთხოვთ გაითვალისწინოთ!!!

სახელის ან/და გვარის შეცვლის შემთხვევაში, თქვენ ვალდებული ხართ შეცვალოთ პირადობის დამადასტურებელი დოკუმენტები.

რა შემთხვევაშია შესაძლებელი სახელის შეცვლა?

სახელის შეცვლა შესაძლებელია დაინტერესებული პირის სურვილისამებრ.

სრულწლოვან პირს უფლება აქვს შეიცვალოს სახელი მხოლოდ ერთხელ.

• სახელის შეცვლა დაუშვებელია, თუ განმცხადებელი სახელად ირჩევს ციფრებს, სასვენ ნიშნებს, გეომეტრიულ ფიგურებს, გრაფიკულ გამოსახულებებს, სიმბოლოებს, უცენზურო ან შეურაცხმყოფელ სიტყვებს ან მრავალწევრიან (ორზე მეტი სახელისაგან შემდგარ) სახელს.

რა შემთხვევაშია შესაძლებელი გვარის შეცვლა?

პირს შეუძლია შეიცვალოს გვარი და მიიღოს:

• შობელთა შეერთებული გვარი;
• პირდაპირი აღმავალი შტოს ნათესავის გვარი (მეოთხე თაობის ჩათვლით);
• საკუთარი გვარისა და პირდაპირი აღმავალი შტოს ერთ-ერთი ნათესავის გვარის გაერთიანების შედეგად მიღებული გვარი;
• ფაქტობრივი აღმზრდელის გვარი;
• მშვილებლის გვარი;
• ქორწინებამდელი გვარი, თუ ქორწინების შეწყვეტისას მას არ დაუბრუნებია ეს გვარი;
• სხვა სახელმწიფოს უფლებამოსილი ორგანოს მიერ მინიჭებული გვარი, მხოლოდ იმ შემთხვევაში თუ დაბადების აქტი რეგისტრირებულია საქართველოში და სხვა სახელმწიფოს უფლებამოსილი ორგანოს მიერ ამ პირისთვის სხვა გვარის მინიჭების შემდეგ მან საქართველოს მოქალაქეობა მოიპოვა.

ასევე, დაინტერესებულ პირს შეუძლია:

• აღიდგინოს ისტორიული გვარი;
• მოახდინოს მისი გვარის კანონიერად აღიარება;
• დაიდგინოს გვარი

წყარო: საქართველოს იუსტიციის სახლი