საინფორმაციო ბარათი

ვის შეუძლია მოითხოვოს საინფორმაციო ბარათი ონლაინ რეჟიმში?

საინფორმაციო ბარათის მიღება შეუძლია:
1. სრულწლოვან პირს, რომელზეც შედგენილია საინფორმაციო ბარათი ან მის მინდობილ პირს.
2. არასრულწლოვანი პირის შემთხვევაში მის კანონიერ წარმომადგენელს ან კანონიერი წარმომადგენლის მინდობილ პირს.
3. გარდაცვლილი პირის მშობელს, შვილს, შვილიშვილს ან მეუღლეს.
4. ასევე, ნებისმიერ დაინტერესებულ პირს , მშობლის, შვილის, შვილიშვილის ან მეუღლის თანხმობით ან თუ მონაცემთა სუბიექტის გარდაცვალებიდან გასულია 30 წელი. გარდა იმ შემთხვევისა თუ სუბიექტმა, გარდაცვალებამდე, წერილობითი ფორმითი აკრძალა, გარდაცვალების შემდეგ, მის შესახებ მონაცემების დამუშავება.

5. პირს, რომელსაც მემკვირეობასთან დაკავშირებული უფლებების რეალიზაციისათვის სჭირდება გარდაცვლილი პირის საინფორმაციო ბარათი.

განცხადების მიღება შესაძლებელია თუ განმცხადებელს ერთხელ მაინც აქვს მიღებული საქართველოს მოქალაქის პირადობის მოწმობა ან პასპორტი და მის შესახებ სერვისების განვითარების სააგენტოს ელექტრონულ მონაცემთა ბაზაში არსებობს სრულყოფილი ინფორმაცია.

როგორ მივიღო საინფორმაციო ბარათი სახლიდან გაუსვლელად? რა დოკუმენტები და ტექნიკური საშუალებებია საჭირო ონლაინ რეჟიმში საინფორმაციო ბარათის მისაღებად?

აღნიშნულ ლინკზე გადასვლისას თქვენ შეძლებთ თავად გამოითხოვოთ shorturl.at/uxAF1

რა დოკუმენტები და ტექნიკური საშუალებებია საჭირო ონლაინ რეჟიმში საინფორმაციო ბარათის მისაღებად?

საინფორმაციო ბარათის მიღებისათვის საჭირო დოკუმენტები:

• არასრულწლოვანი პირის საინფორმაციო ბარათის მოთხოვნის შემთხვევაში განცხადებას თან უნდა ერთვოდეს დაბადების მოწმობის ასლი
• გარდაცვლილი პირის საინფორმაციო ბარათის მოთხოვნის შემთხვევაში განცხადებას თან უნდა ერთვოდეს ნათესაური კავშირის დამადასტურებელი დოკუმენტი და გარდაცვალების მოწმობა

დაგჭირდებათ ასევე ვებკამერა, ყურსასმენი და მიკროფონი.

როგორ უნდა მივხვდე განცხადება დარეგისტრირდა თუ არა?

განცხადების წარმატებით რეგისტრაციის შემთხვევაში განცხადებაში მითითებულ ელექტრონულ ფოსტაზე მიიღებთ შეტყობინებას მოქმედების წარმატებით შესრულების შესახებ, სადაც ასევე მითითებული იქნება თქვენი განცხადების ნომერი და კოდი, რომლითაც ნებისმიერ დროს შეგიძლიათ ნახოთ თქვენი განცხადება და დაუკავშირდეთ ოპერატორს ვებკამერით.

როგორ შემიძლია მივიღო დამზადებული საინფორმაციო ბარათი?

დამზადებული საინფორმაციო ბარათის მიღებას შეძლებთ ვებგვერდიდან, თქვენი განცხადების ნომრისა და კოდის საშუალებით.

რა შემთხვევაში შეიძლება მეთქვას უარი საინფორმაციო ბარათის მიღების თაობაზე ელექტრონული განცხადების წარდგენისას?

ელექტრონული ფორმით წარდგენილი განცხადების მიღება დასაშვებია, თუ ელექტრონული კომუნიკაცია იძლევა განმცხადებლისა და განცხადების მიღებაზე უფლებამოსილი პირის პირდაპირი ვიზუალური კონტაქტის საშუალებას, ასევე განმცხადებლის ვინაობასთან ან წარმომადგენლობის დადასტურებისათვის არსებითი მნიშვნელობის მქონე სხვა გარემოებებთან დაკავშირებით საფუძვლიანი ეჭვის წარმოშობის შემთხვევაში, შესაბამისი თანამდებობის პირი უფლებამოსილია უარი განაცხადოს ელექტრონული ფორმით განცხადების მიღებაზე.

წყარო /სახელმწიფო სერვისების განვითარების სააგენტო/