მშობლების საალიმენტო ვალდებულებები

სსკ-ის 1212-ე მუხლის შესაბამისად მშობლები მოვალენი არიან არჩინონ თავიანთი არასრულწლოვანი შვილები, აგრეთვე შრომისუუნარო შვილები, რომლებიც დახმარებას საჭიროებენ, ხოლო იმავე კანონის 1230-ე მუხლის პირველი ნაწილის შესაბამისად გადასახდელი ალიმენტის ოდენობას, ყოველ ცალკეულ შემთხვევაში, განსაზღვრავს სასამართლო ყოველთვიურად გადასახდელი თანხის სახით, ალიმენტის გადამხდელსა და მიმღების მატერიალური და ოჯახური მდგომარეობის გათვალისწინებით.შვილების მიმართ მშობლებს თანაბარი უფლება-მოვალეობები აქვთ.მაშინაც კი, როდესაც მშობლები ქორწინებაში არ იმყოფებიან (განქორწინებული არიან) ან ცალ-ცალკე ცხოვრობენ, ისინი ვალდებული არიან, არჩინონ საკუთარი შვილები სრულწლოვანების მიღწევამდე (ხოლო შრომისუუნარო შვილები სრულწლოვანების მიღწევის შემდეგაც) და იზრუნონ მათ განვითარებასა და კეთილდღეობაზე.

კანონი ბავშვის რჩენა-აღზრდისათვის საჭირო ხარჯების მინიმალურ ოდენობას არ ითვალისწინებს და ალიმენტის მოცულობის დადგენას ყოველი კონკრეტული საქმის ფაქტობრივი გარემოებების გათვალისწინებით აკისრებს დავის განმხილველ სასამართლოს.

ალიმენტის ოდენობის განსაზღვრისას უპირატესობა ენიჭება ბავშვის საუკეთესო ინტერესებს.

ალიმენტის მოთხოვნის უფლების მქონე პირს შეუძლია ამ უფლების დაკარგვამდე ნებისმიერ დროს მიმართოს სასამართლოს ალიმენტის გადახდევინების შესახებ სარჩელით, მიუხედავად იმ ვადისა, რომელიც გასულია ალიმენტის მოთხოვნის უფლების წარმოშობდან.

საქართველოს კანონი ითვალისწინებს შემთხვევას, როდესაც იმ მშობლის მატერიალური და ოჯახური მდგომარეობის შეცვლის შემთხვევაში, რომელიც ალიმენტს იხდის მტკიცე თანხის სახით, სასამართლოს უფლება აქვს, დაინტერესებული პირის მოთხოვნით, შეამციროს ან გაადიდოს ალიმენტის ოდენობა. ეს მაშინაა შესაძლებელი, როდესაც ალიმენტის დაკისრების შემდეგ ადგილი აქვს ალიმენტვალდებული პირის მატერიალური და ოჯახური მდგომარეობის შეცვლას.

მშობელს არ შეუძლია თავიდან აიცილოს საალიმენტო ვალდებულებები მაშინაც კი, როდესაც იგი არ მუშაობს ან/და მის მიერ ფაქტობრივად მიღებული შემოსავალი საკუთარი საარსებო მოთხოვნილებების სრულფასოვნად დაკმაყოფილებისთვისაც კი არ არის საკმარისი.თუმცა ალიმენტის დაკისრების შესახებ გადაწყვეტილება უნდა იყოს აღსრულებადი ანუ ალიმენტვალდებულ პირს რეალურად უნდა შეეძლოს დაკისრებული თანხის გადახდა.

როდესაც, ალიმენტის გადახდაზე ვალდებული პირი თავს არიდებს თავისი საალიმენტო მოვალეობების შესრულებას, კანონი ითვალისწინებს საკმაოდ მოქნილ მექანიზმს იმისათვის, რომ უფლებამოსილმა პირმა შეძლოს კუთვნილი თანხების მიღება და თავის საკეთილდღეოდ მოხმარება.

სასამართლო გადაწყვეტილებით დაკისრებული ალიმენტის გადახდისათვის ჯიუტად თავის არიდება წარმოადგენს დანაშაულს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.