თავდები - პასუხისმგებლობა, რისკები და სამართლებრივი შედეგები | ადვოკატი ნათია ნაკაშიძე განმარტავს

თავდები - პასუხისმგებლობა, რისკები და სამართლებრივი შედეგები

ადვოკატი ნათია ნაკაშიძე , რომელიც სპეციალიზებულია ადმინისტრაციულ, სამოქალაქო და ბავშვთა უფლებათა საკითხებში, განმარტავს: „თავდები არის პირი, რომელიც იღებს სამართლებრივ პასუხისმგებლობას - გადაიხადოს სესხი იმ შემთხვევაში, თუ ძირითადი მსესხებელი ვალდებულებას ვერ ან არ შეასრულებს.“

ეს ნიშნავს, რომ როგორც კი ხელი მოაწერეთ თავდებობის ხელშეკრულებას, თქვენი ფინანსური რეპუტაცია საკრედიტო ბაზაში აისახება და გავლენას მოახდენს თქვენს მომავალ სესხზე. კრედიტორი თქვენს მიერ ნაკისრ თავდებობას ფინანსური ანალიზისას აუცილებლად გაითვალისწინებს, რაც ნიშნავს, რომ მომავალში შესაძლოა ხელმისაწვდომი საკრედიტო ლიმიტი შეგეზღუდოთ.

სანამ სესხზე თავდებად ყოფნას გადაწყვეტთ, ყურადღებით უნდა შეაფასეთ:

1. მსესხებლის ფინანსური მდგომარეობა - შეძლებს თუ არა ის ვალდებულების დროულად შესრულებას?

2. პიროვნული პასუხისმგებლობა - რამდენად შეგიძლიათ ენდოთ მას, რომ არ დაგტოვებთ პრობლემის წინაშე?

3. თქვენი ფინანსური რესურსი - შეძლებთ თუ არა სესხის გადახდას, თუ მოვალე გადაუხდელი დარჩება?

მხოლოდ მეგობრობის ან უხერხულობის გამო თავდებად ყოფნა ერთ-ერთი ყველაზე ხშირი შეცდომაა, რომელიც სამომავლოდ სერიოზულ სამართლებრივ და ფინანსურ შედეგებს იწვევს.

როდესაც ხელშეკრულება სოლიდარულ თავდებობას ეხება, კრედიტორს უფლება აქვს, პირდაპირ თქვენ მოგთხოვოთ ვალდებულების შესრულება, მაშინაც კი, თუ მსესხებლის მიმართ ჯერ არ გაუტარებია იძულებითი აღსრულება.

ეს ნიშნავს, რომ ფაქტობრივად, კრედიტორი თავდებს განიხილავს ისეთივე მოვალედ, როგორიც თვითონ მსესხებელია.
ასეთ სიტუაციაში თავდები ვეღარ მოითხოვს, რომ ჯერ ძირითადი მოვალე იყოს პასუხისმგებელი - ვალდებულება ერთნაირად ნაწილდება ორივეზე.

ყველაზე რისკიანი ფორმაა გენერალური თავდებობა, რომელიც ერთ კონკრეტულ სესხზე კი არა, არამედ ზოგად საკრედიტო ჩარჩოზე ფორმდება. ასეთ დროს:

• ფიქსირდება თავდებობის მაქსიმალური ლიმიტი და მოქმედების ვადა,

• მსესხებელს მომავალში შეუძლია ახალი ვალდებულებების აღება თქვენი ხელახალი თანხმობის გარეშე,

• შესაბამისად, შესაძლოა თქვენი პასუხისმგებლობა მომავალშიც გაიზარდოს, მიუხედავად იმისა, რომ ახალი ხელშეკრულება აღარ მოგიწერიათ.

გაითვალისწინეთ! : „ყოველთვის წაიკითხეთ ხელშეკრულება დეტალურად - განსაკუთრებით მაშინ, როცა საქმე გენერალურ თავდებობას ეხება. აუცილებელია იცოდეთ, რა არის თქვენი პასუხისმგებლობის ზღვარი და როდის სრულდება იგი.“

თავდებად ყოფნა მხოლოდ ფორმალობა არ არის - ეს არის სერიოზული სამართლებრივი ვალდებულება, რომელიც პირდაპირ აისახება თქვენს ფინანსურ სტაბილურობაზე. თუ მაინც გადაწყვიტეთ, რომ დაეხმაროთ ახლობელს, მოითხოვეთ სრული გამჭვირვალობა, გაეცანით ყველა დოკუმენტს და საჭიროების შემთხვევაში, მიმართეთ ადვოკატს.

როგორცადვოკატი ნათია ნაკაშიძე აღნიშნავს: „თავდებობა შეიძლება იყოს კეთილგანწყობის ჟესტი, მაგრამ თუ პასუხისმგებლობას ბოლომდე ვერ აცნობიერებთ, ის თქვენს ფინანსურ თავისუფლებასაც კი შეიძლება დაემუქროს.“

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები