ავტოსესხი, ავარია და ვალი

ავტოსესხი, ავარია და ვალი - აღნიშნულ საკითხთან დაკავშრებით ისაუბრებს სამოქალაქო და ბავშვთა უფლებებში ლიცენზირებულიადვოკატი ნათია ნაკაშიძე.

კითხვა 1: მანქანა სესხით გამოვიყვანე, მაგრამ ავარიის შემდეგ ვეღარ გადავიხადე თანხა. ახლა საქმე გადასულია სააღსრულებოში და თანხა მნიშვნელოვნად გაზრდილია. რა შემიძლია გავაკეთო?
პირველ რიგში მნიშვნელოვანია გავიგოთ, თუ რა სახის ხელშეკრულებასთან გვაქვს საქმე, ეს იყო ლიზინგი თუ ავტოსესხი გირავნობით. ორივე შემთხვევაში კრედიტორს აქვს უფლება, მოითხოვოს თანხის სრული დაბრუნება, ხოლო მსესხებელს არ აქვს სამართლებრივი მექანიზმი, რომ იძულებით მიაღწიოს მასთვის სასურველ გადანაწილებას. გადანაწილება შესაძლებელია მხოლოდ მხარეთა შეთანხმებით.

თუ საქმე უკვე გადაცემულია სააღსრულებო ბიუროში, მაშინ საქმე რთულდება, რადგან იქ უკვე დაემატება აღმასრულებლის ხარჯები, ჯარიმები და პროცენტები. ასეთ დროს რეკომენდებულია მშვიდობიანი მოლაპარაკება კრედიტორთან ან/და სააღსრულებელთან გადახდის გეგმის მოთხოვნა.

კითხვა 2: რა უფლებები აქვს სოციალურად დაუცველ პირს ასეთ სიტუაციაში?
სოციალურად დაუცველის სტატუსი პირდაპირ ვალს ვერ აუქმებს, თუმცა შესაძლებელია გარკვეული შეღავათების მიღება, მაგალითად სასამართლოში აღსრულების პროცესის შეჩერების მოთხოვნა განსაკუთრებული გარემოებების გამო. ასევე, შეგიძლიათ მიმართოთ იურისტს და შეამოწმოთ, ხომ არ არის შესაძლებელი სესხის რესტრუქტურიზაცია ან გარკვეული ვალდებულებების შემცირება.

კითხვა 3: მესაკუთრე გარდაიცვალა და მანქანის გადაფორმება მჭირდება. როგორ ხდება ეს?
თუ ავტომობილის მფლობელი გარდაიცვალა, მემკვიდრეს შეუძლია მანქანა გაიფორმოს თავის სახელზე. ამისათვის საჭიროა:

ა) სამკვიდრო მოწმობა (გარდაცვალებიდან 6 თვის შემდეგ);

ბ) ავტომობილის სარეგისტრაციო მოწმობა;

გ) დათვალიერების აქტი მომსახურების სააგენტოდან;

დ) პირადობის მოწმობა;

ე) კანონით განსაზღვრული საფასურის გადახდის ქვითარი.

თუ 6-თვიანი ვადა უკვე გასულია,  საჭიროა სასამართლოში საქმის შეტანა, რათა დადგინდეს ფაქტობრივი ფლობა. შემდეგ სასამართლოს გადაწყვეტილების საფუძველზე გაიცემა სამკვიდროს მოწმობა.

კითხვა 4: სად უნდა მივმართო, რომ ახალი მესაკუთრის სახელზე გადავაფორმო მანქანა?
ამისათვის უნდა მიხვიდეთ მომსახურების სააგენტოს სარეგისტრაციო სამსახურში და იქვე შეავსოთ განაცხადი, წარადგინოთ ყველა საჭირო დოკუმენტი და გადაიხადოთ კანონით განსაზღვრული მოსაკრებელი.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები