უცხოეთში მიღებული განათლების აღიარება საქართველოში: რა უნდა იცოდეთ?

უცხოეთში მიღებული განათლების აღიარება საქართველოში: რა უნდა იცოდეთ? - ადვოკატი ნათია ნაკაშიძე, (სპეციალიზაცია: სამოქალაქო, ადმინისტრაციული საქმეები და ბავშვთა უფლებები) უპასუხებს თქვენს შეკითხვებს

კითხვა: თუ უცხოურ საგანმანათლებლო დაწესებულებაზე მივიღე ცნობა ცენტრისგან, ნიშნავს ეს იმას, რომ განათლების ხარისხის განვითარების ეროვნული ცენტრი ავტომატურად აღიარებს იმ დაწესებულებაში მიღებულ განათლებას?

პასუხი: არა, ცნობის მიღება მხოლოდ ერთი ეტაპია აღიარების პროცესში და არა საბოლოო გარანტია.
განათლების აღიარების პროცესში ორი ძირითადი მიმართულებაა:

1. დოკუმენტის ნამდვილობის დადასტურება

ა) პიროვნების იდენტიფიკაცია დგინდება, ნამდვილად მიენიჭა თუ არა დიპლომი ან სხვა დოკუმენტი იმ პირს, ვის სახელზეცაა გაცემული.

ბ) დაწესებულების სამართლებრივი სტატუსი მოწმდება, აღიარებულია თუ არა ეს საგანმანათლებლო დაწესებულება იმ ქვეყანაში, სადაც იგი საქმიანობს.

თუ ორივე პირობა დაკმაყოფილებულია, შეიძლება გაიცეს ცნობა საგანმანათლებლო დაწესებულების აღიარების შესახებ. თუმცა, ეს მხოლოდ ფორმალური წინაპირობაა და არა საბოლოო გადაწყვეტილება.

2. კვალიფიკაციის შედარება საქართველოს სისტემასთან

შემდეგ ეტაპზე ცენტრი ადგენს:

ა) რამდენად შეესაბამება უცხოეთში მიღებული კვალიფიკაცია და აკადემიური საფეხური საქართველოს ეროვნულ საკვალიფიკაციო ჩარჩოს;

ბ) შეესაბამება თუ არა სწავლის ფორმა საქართველოში დადგენილ აკადემიურ სტანდარტებს (მაგ. დისტანციური სწავლების შემთხვევა შეიძლება გახდეს სადავო, თუ არ აკმაყოფილებს საჭირო სტანდარტებს);

გ) არსებობს თუ არა სხვა სამართლებრივი ან აკადემიური დაბრკოლებები აღიარების

რა შეიძლება გახდეს უარის თქმის მიზეზი?

დამატებითი დოკუმენტაციის ნაკლებობა თუ ვერ დასტურდება დოკუმენტის ნამდვილობა ან საკვალიფიკაციო შესაბამისობა.

დაურეგულირებელი საგანმანათლებლო დაწესებულება თუ უნივერსიტეტი ან ინსტიტუტი არ არის აღიარებული იმ ქვეყანაში, სადაც ოპერირებს.

სწავლის არაკომპეტენტური ფორმა მაგალითად, პროგრამა არ ითვალისწინებს საკმარის პრაქტიკულ ან აკადემიურ კომპონენტებს.

საფეხურის შეუთავსებლობა მაგალითად, თუ ბაკალავრის ხარისხი მიღებულია პროგრამით, რომელიც საქართველოში ექვივალენტურია პროფესიულ განათლებასთან.

საადვოკატო ბიურო “ნაკაშიძე და პარტნიორები“ აგრძელებს თქვენს მიერ გამოგზავნილ საინტერესო კითხვებზე პასუხების გაცემას. თუ გაქვთ შეკითხვა იურისტთან და გჭირდებათ კომპეტენტური პასუხის მიღება, სტატიის ქვეშ, შეგიძლიათ მოგვწეროთ შეკითხვები და შევეცდებით უმოკლეს დროში მიიღოთ პასუხები.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები