მანქანის მინების დაბურვა - დასაშვები ნორმები, ჯარიმები და გასაჩივრების წესი საქართველოში

ადმინისტრაციული, სამოქალაქო და ბავშვთა უფლებების სპეციალისტი, ადვოკატი ნათია ნაკაშიძე მოქალაქეების აქტუალურ შეკითხვებს პასუხობს.

შეკითხვა: უცხოეთიდან ჩამოვიყვანე ავტომობილი, გავიარე საბაჟო და ტექნიკური დათვალიერება, რის შემდეგაც დავარეგისტრირე ჩემს სახელზე. ერთ-ერთ მოგზაურობისას პატრულმა გამაჩერა და შეამოწმა მანქანის საქარე და გვერდითი მინების დაბურვა, რის შემდეგაც დამაჯარიმა 500 ლარით. არ ვიცოდი, რომ მანქანის მინების დაბურვის პროცენტი კანონით დასაშვებზე მეტი იყო, რადგან მანქანა ამ მდგომარეობაში ჩამოვიდა. არც ტექნიკური დათვალიერების დროს, არც რეგისტრაციის დროს ამის შესახებ არ გავუფრთხილებივარ. აქვს თუ არა აზრი ამ ჯარიმის გასაჩივრებას? და როგორ შევამოწმოთ, შეესაბამება თუ არა ავტომობილის მინების დაბურვა დასაშვებ ნორმებს?

პასუხი: საქართველოში მოქმედი რეგულაციის მიხედვით, წინა საქარე მინაზე დაბურვა შეიძლება იყოს არაუმეტეს 30%-ისა, თუ ის ქარხნული წარმოებისაა. გვერდითა წინა მინებზე დაშვებულია მაქსიმუმ 60%-იანი დაბურვა, ხოლო უკანა მგზავრების მხარეს განთავსებულ მინებზე – 75%-მდე. ამ ნორმებს აღემატება თუ არა თქვენი ავტომობილის მინების დაბურვა, შეგიძლიათ გადაამოწმოთ სპეციალური მოწყობილობით, რომელიც გამოიყენება საპატრულო პოლიციის მიერ.

სამწუხაროდ, ავტომობილის რეგისტრაციისა და ტექნიკური დათვალიერების დროს მინების დაბურვის პროცენტის შემოწმების ვალდებულება არცერთ უწყებას არ აქვს, ამიტომ ხშირია შემთხვევები, როცა მძღოლები პირველად პატრულის მიერ გაჩერების დროს იგებენ, რომ კანონდარღვევას აქვს ადგილი.

რაც შეეხება გასაჩივრებას, პატრულს ეკისრება ვალდებულება, გამოგიცხადოთ, თუ რამდენით აღემატება დაბურვის პროცენტულობა დასაშვებ ნორმებს, რის მიხედვითაც დგინდება ჯარიმის ოდენობა – 100 ან 500 ლარი. თუ ეს ინფორმაცია არ მიგიღიათ, შესაძლოა, ეს პროცედურული დარღვევა გახდეს თქვენი საჩივრის საფუძველი. თუმცა, რამდენად წარმატებული იქნება გასაჩივრება, დამოკიდებულია საქმის დეტალურ გარემოებებზე.

საადვოკატო ბიურო ნაკაშიძე და პარტნიორები აგრძელებს თქვენს მიერ გამოგზავნილ საინტერესო კითხვებზე პასუხების გაცემას. თუ გაქვთ შეკითხვა იურისტთან და გჭირდებათ კომპეტენტური პასუხის მიღება, სტატიის ქვეშ, შეგიძლიათ მოგვწეროთ შეკითხვები და შევეცდებით უმოკლეს დროში მიიღოთ პასუხები

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები