სამხედრო სამსახურის გადავადება, კომერციული ფართის ქირავნობის დავა და სამშენებლო კომპანიისგან დაზარალება – იურისტის რჩევები

სამხედრო სამსახურის გადავადება, კომერციული ფართის ქირავნობის დავა და სამშენებლო კომპანიისგან დაზარალება – იურისტის რჩევები

ადმინისტრაციული, სამოქალაქო და ბავშვთა უფლებების სპეციალისტი, ადვოკატი ნათია ნაკაშიძე მოქალაქეების აქტუალურ შეკითხვებს პასუხობს.

შეკითხვა 1 ამხედრო სამსახურში გაწვევა მეკისრება, თუმცა ოჯახური მდგომარეობიდან გამომდინარე ვერ ვახერხებ წასვლას, რადგან მოხუც ბებიას ვუვლი. შესაძლებელია თუ არა სამხედრო სამსახურის გადავადება კოლეჯში პროფესიული განათლების მიღების შემთხვევაში?

პასუხი: საქართველოს „თავდაცვის კოდექსი“ ითვალისწინებს სამხედრო სამსახურის გადავადების შესაძლებლობას პროფესიული განათლების სტუდენტებისთვის. კერძოდ, თუ პირი ჩარიცხულია პროფესიული განათლების მართვის საინფორმაციო სისტემაში, მას შეუძლია მიიღოს გაწვევის გადავადება შესაბამისი საგანმანათლებლო პროგრამის დასრულებამდე. თუმცა მნიშვნელოვანია, რომ ამ უფლების გამოყენება მხოლოდ ერთხელაა შესაძლებელი, რაც გულისხმობს, რომ ადრე პირს არ უნდა ჰქონდეს მიღებული გადავადება სხვა სასწავლო პროგრამაზე (სტუდენტის ან რეზიდენტის სტატუსით).

შეკითხვა 2 გაქირავებული მაქვს კომერციული ფართი 2-წლიანი ხელშეკრულებით. დამქირავებელმა ჩემთან შეუთანხმებლად ფართი სხვა პირს გადასცა. ისინი ქირას აღარ იხდიან. როგორ მოვიქცე?

პასუხი: აღნიშნული ქმედება ქვექირავნობად მიიჩნევა და საქართველოს სამოქალაქო კოდექსის მიხედვით დასაშვებია მხოლოდ გამქირავებლის თანხმობის შემთხვევაში. ვინაიდან თქვენთან შეთანხმების გარეშე მოხდა ფართის მესამე პირზე გადაცემა, ხელშეკრულება დარღვეულად ითვლება. ასეთ შემთხვევაში, უფლებამოსილი ხართ, შეწყვიტოთ ხელშეკრულება და მოითხოვოთ ფართის გათავისუფლება. შემდგომი სამართლებრივი ნაბიჯების დაგეგმვისთვის რეკომენდებულია პროფესიული იურიდიული კონსულტაციის მიღება.

შეკითხვა 3 ამშენებლო კომპანიისგან დაზარალებული ვარ, ბინის შეძენას ვაპირებდი და ამისთვის თანხას ვაგროვებდი, თუმცა გადავწყვიტე, ეს თანხა ბინის დაგირავებაში ჩამედო, რასაც ვნანობ. ახლა ქირას ვეღარ ვიღებ და არც თანხას მიბრუნებენ. სასამართლოსთვის საჭირო ბაჟის გადასახადისთვის თანხა არ მაქვს. როგორ მოვიქცე?

პასუხი: თუ ფინანსური მდგომარეობიდან გამომდინარე ვერ იხდით სასამართლოს ბაჟს, შეგიძლიათ მიმართოთ სასამართლოს სპეციალური განცხადებით, რომელსაც თან დაურთავთ თქვენი ფინანსური მდგომარეობის დამადასტურებელ მტკიცებულებებს. სასამართლოს შეუძლია მიიღოს გადაწყვეტილება ბაჟის მთლიანად ან ნაწილობრივგან გათავისუფლების, ასევე გადავადების შესახებ.

საადვოკატო ბიურო ნაკაშიძე და პარტნიორები აგრძელებს თქვენს მიერ გამოგზავნილ საინტერესო კითხვებზე პასუხების გაცემას. თუ გაქვთ შეკითხვა იურისტთან და გჭირდებათ კომპეტენტური პასუხის მიღება, სტატიის ქვეშ, შეგიძლიათ მოგვწეროთ შეკითხვები და შევეცდებით უმოკლეს დროში მიიღოთ პასუხები

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები