იპოთეკის და გირავნობის ხელშეკრულებები

ადვოკატი / Advokati | lawyer / iuristi / ადვოკატის ნომერი / იპოთეკის რეგისტრაცია / სახელშეკრულებო სამართალი

უძრავი თუ მოძრავი ნივთების უზრუნველყოფაში წარმოდგენის შემთხვევაში, შესაბამისად, იპოთეკის ან გირავნობის ხელშეკრულება ფორმდება. ხელშეკრულების დეტალები სესხის პირობებისა და სესხის გამცემი ორგანიზაციის შიდა პოლიტიკის მიხედვით განსხვავდება.ამგვარ ხელშეკრულებებს სხვადასხვა პუნქტები აქვთ.

ხელშეკრულების მხარეები : ხელშეკრულება მოიცავს ქონების მესაკუთრისა და იმ კრედიტორის მონაცემებს, ვის სასარგებლოდაც დაიტვირთა ქონება იპოთეკით/გირავნობით. შესაბამისად, თუ ქონების მესაკუთრე მესამე პირია, უშუალოდ მსესხებელი ამ ხელშეკრულების მონაწილე მხარე არ იქნება.

ხელშეკრულების საგანი : იპოთეკის/გირავნობის ხელშეკრულებები ყოველთვის განსაზღვრავს თუ რა ვალდებულებას უზრუნველყოფს კონკრეტული ხელშეკრულება. აქვე ფიქსირდება აღნიშნული ხელშეკრულება გენერალურ ხელშეკრულებას უზრუნველყოფს თუ მხოლოდ კონკრეტულ საკრედიტო ხელშეკრულებას. თავდებობის მსგავსად, იპოთეკის/გირავნობის ხელშეკრულებაც შესაძლოა არა კონკრეტულ სესხზე, არამედ გენერალურ ხელშეკრულებაზე გაფორმდეს. შესაბამისად, იპოთეკის/გირავნობის საგნით ხდება ამ ჩარჩო ხელშეკრულების ფარგლებში შემდგომში გაცემული ყველა სესხის უზრუნველყოფაც.

მხარეთა უფლებები და მოვალეობები : ის თუ რა უფლებები გაგაჩნიათ და რა ვალდებულებებს კისრულობთ ხელშეკრულებით, დეტალურად მოცემულია მის შესაბამის პუნქტებში. ამ პუნქტებში გაეცნობით იპოთეკის/გირავნობის საგნის გასხვისების ან საკუთრების უფლების ცვლილების პირობებს. აქვე მოცემულია იპოთეკის საგნის განკარგვასთან დაკავშირებული უფლება-მოვალეობები და სხვა მსგავსი ინფორმაცია, ზოგჯერ, ასევე, დაზღვევის ან ქონების მოვლასთან დაკავშირებული სხვა სპეციფიკური მოთხოვნებიც.

როდესაც ამა თუ იმ ქონებით უზრუნველყოფილი სესხის აღებას გადაწყვეტთ, გახსოვდეთ, რომ სესხის გადაუხდელობის შემთხევაში დგება კრედიტორის მხრიდან ვალდებულების დაფარვის მიზნით ქონების რეალიზაციის რისკი. ასე, რომ ყველა შესაძლო რისკის წინასწარ გასააზრებლად და დასაბალანსებლად, აუცილებელია დეტალურად გაეცნოთ ხელშეკრულების პირობებს. უნდა გახსოვდეთ, რომ ხელშეკრულების პირობებზე ხელმოწერით, კრედიტორს ეთანხმებით ყველა იმ პირობაზე, რაც მოცემულია ხელშეკრულებაში. ამიტომ, დეტალურად უნდა წაიკითხოთ ხელშეკრულების ყველა პუნქტი და მხოლოდ ამის შემდეგ მოაწეროთ მას ხელი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;

კონსულტაციისთვის დაგვიკავშირდით