პირგასამტეხლოს დაკისრება

პირგასამტეხლოს ძირითადი არსი მდგომარეობს მოვალის მიერ ნაკისრი ვალდებულების ჯეროვნად და კეთლსინდისიერად შესრულების უზრუნვლყოფაში. მისი გადახდის ვალდებულების წარმოშობა უკავშირდება ვალდებულების დარღვევას. ამდენად, პირგასამტეხლოს დაკისრების წინაპირობაა ერთ-ერთი მხარის მიერ ხელშეკრულებით ნაკისრი ვალდებულების დარღვევის ფაქტი.

ასეთ შემთხვევაში, სანქციად ქცეული პირგასამტეხლო ვალდებულ პირს უპირობოდ ეკისრება, მიუხედავად იმისა, განიცადა თუ არა კრედიტორმა ზიანი ამ დარღვევის შედეგად

პირგასამტეხლოს მოთხოვნის უფლება დამოუკიდებელია ზიანის მიყენების ფაქტის მტკიცებისაგან, ანუ პირგასამტეხლოს მოთხოვნისათვის კრედიტორს არ ეკისრება მიყენებული ზიანის დამტკიცების ვალდებულება

„პირგასამტეხლო ეკისრება მხარეს იმ დროიდან, როდესაც უნდა ყოფილიყო შესრულებული დარღვეული ვალდებულება – ამ ვალდებულების შესრულებამდე.“ „საკასაციო სასამართლო მხარს უჭერს მიდგომას, რომ პირგასამტეხლო დაანგარიშებული იქნეს არა ხელშეკრულების საერთო ღირებულებიდან, არამედ მხარის მიერ ფაქტობრივად შეუსრულებელი ან არაჯეროვნად შესრულებული ვალდებულების ღირებულებიდან.“ საკასაციო სასამართლოს მიაჩნია, რომ ხელშეკრულების საერთო ღირებულებიდან გამომდინარე პირგასამტეხლოს გათვალისწინება ეწინააღმდეგება სამოქალაქო ბრუნვის უსაფრთხოებისა და კეთილსინდისიერების მინიმალურ სტანდარტს.

კანონის სიტყვასიტყვითი განმარტების შედეგად, მაღალი პირგასამტეხლო არ მცირდება. შემცირებას მხოლოდ „შეუსაბამოდ მაღალი“ პირგასამტეხლო ექვემდებარება.

ამდენად, სასამართლო თავისი დისკრეციული უფლებამოსილების ფარგლებში აფასებს თუ რა შემთხვევაში მიიჩნევს შეუსაბამოდ მაღალ პირგასამტეხლოს. ამის შემდეგ, სასამართლო განსაზღვრავს მის ოდენობას.

სასამართლომ განმარტა: როდესაც საკითხი მეწარმე სუბიექტის მიერ შეუსრულებელ ვალდებულებას ეხება, მას ფიზიკური პირისაგან განსხვავებული პასუხისმგებლობითა და სტანდარტით უნდა მოეთხოვოს შეუსრულებელი ვალდებულების გამო მხარისათვის მიყენებული ზიანის კომპენსაცია.

ამდენად, ბიზნეს სუბიექტის შემთხვევაში, სასამართლოს მოლოდინია ამ უკანასკნელმა დამაჯერებლად დაასაბუთოს ის გარემოებები, თუ რატომ იყო შეთანხმებული პირგასამტეხლო შეუსბამოდ მაღალი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;