ინდმეწარმე და როგორ დავრეგისტრირდეთ

ინდივიდუალური მეწარმე გულისხმობს, რომ ერთი ადამიანი ეწევა ბიზნესს. მას არა აქვს იურიდიული პირის სტატუსი, რჩება როგორც ფიზიკური პირი. ინდივიდუალური მეწარმის სტატუსი ფიზიკურ პირს ენიჭება მეწარმეთა რეესტრში რეგისტრაციის მომენტიდან. ინდივიდუალური მეწარმე ვალდებულებების წინაშე პასუხს აგებს მთელი თავისი ქონებით (არა მხოლოდ საწარმოს ქონებით), თუ ინდივიდუალურ მეწარმესა და კრედიტორს შორის შეთანხმებით სხვა პირობები არ არის გათვალისწინებული. ინდივიდუალური მეწარმის სახელწოდება შესაძლებელია იყოს როგორც ინდივიდუალური მეწარმის სახელი და გვარი, ასევე სხვა სახელწოდება. ინდივიდუალურ მეწარმეს ბიზნესპარტნიორების ყოლა არ შეუძლია, ის ერთი ადამიანის კომპანიად უნდა დარჩეს.

ინდივიდუალურ მეწარმედ რეგისტრირება შედარებით ნაკლები ბიუროკრატიული პროცედურებით ხასიათდება. შესაბამისად, ის ფართოდ გავრცელებული სამართლებრივი ფორმაა. ინდივიდუალური მეწარმეები ხშირად სარგებლობენ საგადასახადო და სხვა შეღავათებით სახელმწიფოს მხრიდან, რაც ინდივიდუალურ მეწარმედ რეგისტრირების სტიმულს ზრდის.

ინდ. მეწარმეს რეგისტრაცია ხორციელდება, როგორც იუსტიციის სახლებში, ასევე საქართველოს ბანკის სერვის ცენტრებში.

რეგისტრაციისთვის განცხადებაში უნდა მიეთითოს შემდეგი :

გამცხადებლის სახელი; განმცხადებლის პირადი ნომერი; ხელმოწერა ; ელექტრონული ფოსტის მისამართი ; საწარმოს იურიდიული მისამართი; განცხადების შევსების თარიღი.

ინდ. მეწარმე უფლებამოსილია მიიღოს მიკრო ან მცირე ბიზნესის სტატუსი, რის საფუძველზეც იგი ისარგებლებს შეღავათიანი დაბეგვრის პირობებით საშემოსავლო გადასახადთან დაკავშირებით.

უცხო ქვეყნის მოქალაქის საქართველოში ინდივიდუალურ მეწარმედ რეგისტრაციისას მან უნდა წარადგინოს სარეგისტრაციო განცხადება, რომელიც უნდა შეიცავდეს ზემოთ მითითებული მონაცემების ეკვივალენტურ მონაცემებს.

ასევე, თუ მისი წლიური შემოსავალი 100.000 ლარს სცდება, იგი ვალდებულია დარეგისტრირდეს დღგ-ს გადამხდელად.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;