საგარეო ურთიერთობათა კომიტეტმა ქალთა ეკონომიკური გაძლიერების სახელმწიფო კონცეფციას მხარი დაუჭირა

საგარეო ურთიერთობათა კომიტეტის წევრებმა, სხდომაზე, „ქალთა ეკონომიკური გაძლიერების სახელმწიფო კონცეფციის დამტკიცების შესახებ“ საქართველოს პარლამენტის დადგენილების პროექტი განიხილეს და მხარი დაუჭირეს.

კონცეფცია, რომელიც ქალების ეკონომიკაში ჩართულობას უკავშირდება, ერთ-ერთმა ინიციატორმა, გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანმა წარადგინა განსახილველად

„ქალების ეკონომიკური გაძლიერება ხელს უწყობს ეკონომიკურ განვითარებას. ეს მიიღწევა შემოსავლების უთანასწორობის დაძლევით და ეკონომიკური დივერსიფიკაციის ზრდით, ქვეყნის კონკურენტუნარიანობის გაუმჯობესებით, რასაც მოაქვს ეკონომიკური მდგრადობა. კონცეფცია მიმართულია ქალთა ეკონომიკური გაძლიერების გზით საქართველოში თანასწორობის უფლების განმტკიცებისაკენ, რაც თავის მხრივ, ხელს შეუწყობს ქვეყნის კეთილდღეობისა და ეკონომიკური დოვლათის გაზრდას“, - განაცხადა ნინო წილოსანმა.

ქალთა ეკონომიკური გაძლიერების სახელმწიფო კონცეფცია დაკავშირებულია საქართველო-ევროკავშირის ასოცირების ახალი დღის წესრიგით განსაზღვრულ პრიორიტეტებთან, ამავდროულად, კონცეფცია ეხმიანება ევროკავშირის თორმეტპუნქტიანი რეკომენდაციების მე-9 პუნქტის შესრულებას.

კონცეფციაში წარმოდგენილია სახელმწიფოს ხედვა ქალთა სიღარიბის დაძლევისა და მათი ეკონომიკური გაძლიერების უზრუნველყოფის, ქალთა ეკონომიკური გაძლიერების მიმართულებით. კონცეფციის ამოსავალი წერტილია ტრანსფორმაცია ინდივიდუალურ, საზოგადოებრივ, ინსტიტუციურ და პოლიტიკის დონეზე.

ქალთა ეკონომიკური გაძლიერების სახელმწიფო კონცეფციით განსაზღვრულია შემდეგი მიმართულებები: ეკონომიკურ რესურსებზე თანაბარი წვდომა; გენდერულად მგრძნობიარე სამართლებრივი ჩარჩოს გაძლიერება; საჯარო სექტორის შესყიდვების და დასაქმების პრაქტიკის გაუმჯობესება; კერძო სექტორში დასაქმების პოლიტიკის გაუმჯობესება და ა.შ.

მომხსენებლის თქმით, არანაკლებ მნიშვნელოვანია, რომ ქალთა ეკონომიკური გაძლიერების სახელმწიფო კონცეფცია ითვალისწინებს ქალთა და გოგონათა სიღარიბის დაძლევას და მათი უფლებრივი მდგომარეობის გაუმჯობესებას.

აღსანიშნავია, რომ შემუშავებული კონცეფცია წარმოადგენს მრავალპარტიულ დოკუმენტს.

წყარო : საქართველოს პარლამენტი

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში; 

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები