იურიდიულ საკითხთა კომიტეტმა საარჩევნო კოდექსში „გენდერული კვოტირების“ წესთან დაკავშირებული ცვლილება მეორე მოსმენით განიხილა

იურიდიული საკითხთა კომიტეტმა მეორე მოსმენისთვის, დაჩქარებული წესით, განიხილა „საარჩევნო კოდექსში“ შესატანი ცვლილება, რომელიც 2032 წლის ჩათვლით ჩასატარებელი პარლამენტისა და მუნიციპალიტეტის ორგანოთა საერთო არჩევნებისათვის „გენდერული კვოტირების“ წესის ცვლილებას ითვალისწინებს.

პროექტის მიხედვით, საარჩევნო კოდექსით გათვალისწინებული „გენდერული კვოტირების“ წესი როგორც პარლამენტის, ასევე, ადგილობრივი თვითმართველობის არჩევნებისთვის 2032 წლის ჩათვლით იმოქმედებს. ასევე, თუ პარლამენტის დეპუტატის და მუნიციპალიტეტის საკრებულოს მამაკაც წევრს ვადამდე შეუწყდება შესაბამისი უფლებამოსილება, მის ადგილს დაიკავებს შესაბამის პარტიულ სიაში მომდევნო წევრობის კანდიდატი, რაც იძლევა იმის საშუალებას, რომ სიის მომდევნო წევრი იყოს ქალი დეპუტატი. ინიციატორთა განმარტებით, აღნიშნული ცვლილებით წახალისდება კიდევ უფრო მეტი ქალის მონაწილეობა პოლიტიკურ საქმიანობაში.

მოქმედი კანონით პარლამენტის დეპუტატის და მუნიციპალიტეტის საკრებულოს მამაკაცი წევრისთვის უფლებამოსილების ვადამდე შეწყვეტის შემდეგ მის ადგილს იკავებს მამაკაცი წევრობის კანდიდატი.

კანონპროექტის ინიციატორები არიან პარლამენტის წევრები: გივი მიქანაძე, ბაია კვიციანი, გრეტა წიწავა, ნინო წილოსანი, რამინა ბერაძე, ირმა ზავრადაშვილი, მარიამ ლაშხი, ქეთევან დუმბაძე და მაია მენაღარიშვილი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

 

ვუზრუნველვყობთ თქვენს დაცვას/წარმომადგენლობას:  საქართველოსა და იტალიაში  ყველა ინსტანციის სასამართლოში; 

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში; 

სამართლებრივი ურთიერთობის რეგულირებას  ფიზიკურ და იურიდიულ პირებთან; 

სტრასბურგის - ადამიანის უფლებათა ევროპულ სასამართლოში;

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები