რა არის პირგასამტეხლოს დაკისრების წინაპირობა?

პირგასამტეხლოს დაკისრების წინაპირობაა ერთ-ერთი მხარის მიერ ხელშეკრულებით ნაკისრი ვალდებულების დარღვევის ფაქტი.

ასეთ შემთხვევაში პირგასამტეხლო ვალდებულ პირს უპირობოდ ეკისრება, მიუხედავად იმისა, განიცადა თუ არა კრედიტორმა ზიანი ამ დარღვევის შედეგად.

პირგასამტეხლოს მოთხოვნის უფლება დამოუკიდებელია ზიანის მიყენების ფაქტის მტკიცებისაგან, ანუ პირგასამტეხლოს მოთხოვნისათვის კრედიტორს არ ეკისრება მიყენებული ზიანის დამტკიცების ვალდებულება.

პირგასამტეხლო ეკისრება მხარეს იმ დროიდან, როდესაც უნდა ყოფილიყო შესრულებული დარღვეული ვალდებულება – ამ ვალდებულების შესრულებამდე.

პირგასამტეხლოს დაკისრების საკითხზე მსჯელობისას სასამართლო ამოწმებს:

- კანონით დადგენილი წესით პირგასამტეხლოზე შეთანხმების არსებობას;

- თუ რომელი სახელშეკრულებო პირობაა პირგასამტეხლოთ უზრუნველყოფილი.

სასამართლოს მინიჭებული აქვს შეუსაბამოდ მაღალი პირგასამტელოს შემცირების უფლებამოსილება.

პირგასამტეხლოს ოდენობა მხარეთა თავისუფალი შეთანხმების საგანს წარმოადგენს.

პირგასამტეხლოს მიზანს კრედიტორის დარღვეული უფლების აღდგენა და არა მისი გამდიდრება წარმოადგენს.

პირგასამტეხლოს შეუსაბამობის კრიტერიუმად ყოველ კონკრეტულ შემთვევაში შეიძლება ჩაითვალოს:

ხელშეკრულებით გათვალისწინებული პირგასამტეხლოს შეუსაბამოდ მაღალი პროცენტი;

პირგასამტეხლოს მნიშვნელოვანი გადაჭარბება ვალდებულების შეუსრულებლობით გამოწვეულ შესაძლო ზიანზე.

პირგასამტეხლოს შემცირებისას, ყურადღება ექცევა შემდეგ გარემოებებს: მხარის ქონებრივ/ფინანსურ მდგომარეობა;თუ როგორია შესრულების ღირებულების, მისი შეუსრულებლობისა და არაჯეროვანი შესრულებით გამოწვეული ზიანის თანაფარდობას პირგასამტეხლოს ოდენობასთან; ვალდებულების შეუსრულებლობის ხანგრძლივობა; ვალდებულების დამრღვევის ბრალეულობის ხარისხი; ხელშეკრულების დარღვევის ხასიათს და იმ გარემოებას, თუ რა ფინანსური ზარალი განიცადა კრედიტორმა; კრედიტორის მოლოდინს ვალდებულების ჯეროვანი შესრულების მიმართ.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.