ქონებრივი და არაქონებრივი ზიანის ანაზღაურება

მოგების სახით ზიანის ანაზღაურებაში იგულისხმება ქონებრივი ზიანის ანაზღაურება, რომელიც შეიძლება მოთხოვნილი იყოს არაქონებრივ ზიანთან ერთად და დამოუკიდებლადაც. ქონებრივი ზიანის არსებობისთვის მნიშვნელოვანია რამდენიმე კრიტერიუმი.

1.ქონებრივი დანაკლისი ,რაც პირმა მისი უფლებების ხელყოფით განიცადა და მოგება ,რომელიც ხელმყოფმა პირადი არაქონებრივი უფლებების ხელყოფის შედეგად მიიღო .მაგალითად: პაციენტების დაკარგვა,პროფესიული საქმიანობის შეზღუდვა,სხვადასხვა სახის ქონებრივი სარგებელი და სხვა.

2.მართლსაწინააღმდეგო მოქმედება რომელიც შესაძლოა განხორციელდეს ქონებრივი ზიანის მომტანი ფაქტების გავრცელებით;ზიანის მომტანი ფაქტების გახმაურებით;თანხმობის გარეშე პირის გამოსახულების გავრცელებით.

3.კიდევ ერთი კრიტერიუმია მიზეზობრივი კავშირი მართლსაწინააღმდეგო ქმედებასა და დამდგარ ქონებრივ ზიანს შორის. თუ კონკრეტული ქმედების შედეგად პირს არ მიადგა ზიანი ,ასეთი მოთხოვნის დაყენების შემთხვევაში მას ანაზღაურების მიღების სამართლებრივი საფუძველი არ წარმოეშობა.

4. და ბოლოს ხელმყოფის ბრალეულობა.ბრალეულობის დამტკიცების გარეშე მოთხოვნის დაყენებას სამართლებრივი საფუძველი არ წარმოეშობა.

მოგებაში იგულისხმება მისაღები ნებისმიერი სარგებელი ,რომელიც ხელმყოფმა ასეთი ქმედების შედეგად მიიღო .მაგ.: გაზარდა ტირაჟი,გაავრცელა ინფორმაცია,რომელმაც მიიღო სასაქონლო ხასიათი,განათავსა არასათანადო რეკლამა და მოიგო გარკვეული თანხა.

არაქონებრივი ზიანი ნიშნავს ადამიანის ფსიქიკაში ნეგატიური ცვლილებების გამოწვევას(სულიერი ტკივილი,ტანჯვა).არაქონებრივი ზიანის დადგომისთვის ჯერ სხვა უფლებათა დარღვევა უნდა არსებობდეს.

სამოქალაქო სამართალში ბრალი პირის მიერ კონკრეტული ქმედებისა და მისი შედეგისადმი დამოკიდებულებას გულისხმობს.თუ ბრალის დადგენისთვის შესაბამისი ფაქტები არ იქნება წარდგენილი პირის ქმედება მართსაწინააღმდეგოდ არ ჩაითვლება.

ბრალთან ერთად არაქონებრივი ზიანის ანაზღაურებისთვის უნდა არსებობდეს მართლწინააღმდეგობა.პირის ქმედება უნდა ეწინააღმდეგებოდეს კანონს და მისი დარღვევა უნდა ითვალისწინებდეს არაქონებრივი ზიანის ანაზღაურებას.მხოლოდ სუბიექტის მოსაზრება,რომ მას მიადგა ზიანი და ამით განხორციელდა უკანონობა არ არის საკმარისი.

მიზეზობრივი კავშირი სამართალდარღვევის ერთ-ერთ ელემენტს წარმოადგენს .მიზეზობრივი კავშირის საფუძველზე დგინდება თუ როგორია ქმედება ,რომელიც ზიანის გამომწვევი მოქმედების უშუალო შედეგს წარმოადგენს.

ზნეობრივი ტანჯვა გამოიხატება ფსიქიკური ჯანმრთელობის დარღვევაში.ეს შეიძლება იყოს : მწუხარება,შიში,ნეგატიური ემოციები,ეჭვები და სხვათა გამოხატულება.თითიოეული ადამიანის შემთხვევაში ის ინდივიდუალურია და ობიექტურად უნდა განისაზღვროს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.