შინაური ცხოველის მოვლა-პატრონობა

თუ თქვენ გყავთ კატა ან ძაღლი, რომელიც შესაძლოა მემკვიდრეობით მიიღეთ ან გაჩუქეს/ქუჩიდან აიყვანეთ მაშინ უნდა იცოდეთ,რომ:

ქალაქ თბილისის ტერიტორიაზე ცხოველების მოვლა-პატრონობის სპეციალური წესი თბილისის საკრებულომ 𝟐𝟎𝟏𝟓 წლის 𝟔 აპრილს №𝟕-𝟐𝟖 დადგენილებით დაამტკიცა. გარდა აღნიშნული აქტისა ცხოველების მიმართ სამართლებრივ რეგულირებებს ვხვდებით ადმინისტრაციულ სამართალდარღვევათა კოდექსის 103 მუხლსა და სისხლის სამართლის კოდექსის 259-ე მუხლში.

თუ ბულვარში, პარკში ან სკვერში დღის განმავლობაში 𝟎𝟕:𝟎𝟎-𝟐𝟑:𝟎𝟎 საათის შუალედში ძაღლს ან კატას ასეირნებთ, იცოდეთ რომ მხოლოდ მოკლე საბმელით ან საბმელითა და ალიკაპით გაქვთ ამის უფლება, 𝟐𝟑:𝟎𝟎-დან დილის 𝟕:𝟎𝟎 საათამდე პერიოდში კანონმდებელმა მხოლოდ ალიკაპით სეირნობა საკმარისად ჩათვალა.

ამ წესის დარღვევისთვის სანქცია გაფრთხილებას ან ერთჯერად დაჯარიმებას 𝟐𝟎 ლარის ოდენობით ითვალისწინებს. თუ პირი იგივე ქმედებას წლის განმავლობაში მეორედაც ჩაიდენს ჯარიმა იზრდება 𝟓𝟎 ლარამდე.

ტრანსპორტში ცხოველთან ერთად გადაადგილებისას:

ქალაქ თბილისის მუნიციპალიტეტმა თბილისის ადმინისტრაციულ საზღვრებში ძაღლების საზოგადოებრივი ტრანსპორტით გადაყვანა ნებადართულად გამოაცხადა მხოლოდ მოკლე საბმელით და ალიკაპით, ან სპეციალური კონტეინერით მისი ტრანსპორტირების შემთხვევაში.

კანონით იკრძალება :

ცხოველის წამება, მისდამი სასტიკი მოპყრობა რამაც შესაძლოა მისი დასახიჩრება ან დაღუპვა გამოიწვიოს. თუ აღნიშნული აკრძალვა დაირღვევა დამრღვევს ბრალის დამტკიცების შემთხვევაში შესაძლოა ერთ-ერთი სასჯელი დაეკისროს:

◾️ საზოგადოებისთვის სასარგებლო შრომა 𝟏𝟐𝟎 დან 𝟐𝟒𝟎 საათამდე;

◾️ შინაპატიმრობა 𝟔 თვიდან 𝟏 წლამდე ვადით;

◾️ ჯარიმა;

◾️ თავისუფლების აღკვეთით ვადით ერთ წლამდე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.