ნასყიდობის ხელშეკრულება - რას უნდა მიაქციოთ ყურადღება | ადვოკატი ნათია ნაკაშიძე

ნასყიდობის ხელშეკრულება - რას უნდა მიაქციოთ ყურადღება | ადვოკატი ნათია ნაკაშიძე

ადმინისტრაციულ, სამოქალაქო და ბავშვთა უფლებებში სპეციალიზებული ადვოკატი ნათია ნაკაშიძე, განმარტავს, რა არის ნასყიდობის ხელშეკრულება

საქართველოს სამოქალაქო კოდექსის 477-ე მუხლის მიხედვით, ნასყიდობის ხელშეკრულება წარმოადგენს სამართლებრივ გარიგებას, რომლის საფუძველზეც:

(ა)გამყიდველი იღებს ვალდებულებას გადასცეს მყიდველს საკუთრების უფლება ქონებაზე, მის თანმხლებ დოკუმენტებთან ერთად;

(ბ) ხოლო მყიდველი ვალდებულია გადაიხადოს შეთანხმებული ფასი და მიიღოს ნაყიდი ქონება.

თუ ხელშეკრულებაში ფასი პირდაპირ მითითებული არ არის, მხარეებს შეუძლიათ შეთანხმდნენ მის განსაზღვრის მექანიზმზე - მაგალითად, ექსპერტის შეფასებით ან საბაზრო კურსის გათვალისწინებით.

ნასყიდობა ყველაზე ხშირად გამოყენებადი და პრაქტიკაში გავრცელებული სამართლებრივი ფორმაა - იქნება ეს უძრავი ქონების ყიდვა, ავტომობილის გადაფორმება თუ ბიზნესის წილის შეძენა.

მის შინაარსში რამდენიმე მნიშვნელოვანი ელემენტია:

(ა) მონაწილე სუბიექტები: გამყიდველი და მყიდველი;

(ბ) ხასიათი: ორმხრივად მავალდებულებელი, კონსესუალური და სასყიდლიანი;

(გ) სამართლებრივი ძალა: წარმოიშობა მაშინვე, როცა მხარეები თანხმდებიან არსებით პირობებზე;

ნებისმიერ ნასყიდობის ხელშეკრულებას აქვს ორი აუცილებელი ელემენტი:

1.ნასყიდობის საგანი — შეიძლება იყოს როგორც უძრავი, ასევე მოძრავი ქონება, ან თუნდაც არამატერიალური სიკეთე (მაგალითად, ინტელექტუალური საკუთრება).

2. ფასი - რომელიც უნდა იყოს განსაზღვრული ან განსაზღვრადი.

სწორად დადგენილი პირობების გარეშე, ნასყიდობის ხელშეკრულება შეიძლება ჩაითვალოს ბათილად.

ნასყიდობის ხელშეკრულებებთან დაკავშირებით ხშირად ჩნდება სამართლებრივი კითხვები, მაგალითად:

(ა) ნივთის ნაკლოვანება ან უხარისხო მდგომარეობა;

(ბ) ფასის გადაუხდელობა ან გადახდის დაგვიანება;

(გ) ხელშეკრულების მოშლა ან ბათილობა;

(დ) საკუთრების უფლების რეგისტრაციის პრობლემა.

ამიტომ მნიშვნელოვანია, რომ ხელშეკრულების მომზადება ან გადამოწმება მოხდეს პროფესიონალი ადვოკატის მონაწილეობით, რათა თავიდან აიცილოთ ხარჯიანი სამართლებრივი დავები.

თუ გაქვთ კითხვა ნასყიდობის ხელშეკრულების ან სხვა სამოქალაქო საკითხზე,
დაუკავშირდით ადვოკატ ნათია ნაკაშიძეს - სპეციალისტს ადმინისტრაციულ, სამოქალაქო და ბავშვთა უფლებებში.